2025年7月31日星期四

再嚟梅姐

早前因為想食雞再嚟粉嶺梅姐美食店，先嚟半隻沙薑雞，佢哋雞隻皮薄肉滑，唔錯唔錯。另點一道客家釀豆腐，店員提議今天有釀涼瓜，不如雙拼，最好不過啦，二人前可以食多款，客家釀豆腐味道對辦，而釀涼瓜則非常突出，好耐冇食到有甘苦的涼瓜味，美味亦很好佐飯。














發佈者： 於 沒有留言:
標籤：

2025年7月25日星期五

第5屆工展會購物節





「第5屆工展會購物節」由8月1日起一連4日於亞洲國際博覽館舉行，將推出多種優惠，包括部分產品低至一折及一元出售。

購物節設有約300個攤位，分佈8個展區，主題包括「休閒食品區」、「健康養生區」、「生活家品區」、「服飾美容區」、「Chill飲Chill食區」、「為食Guide」、「家鄉風味區」及「荔園‧遊樂區」。今年新增兩個展區，其中「家鄉風味區」 雲集了四川、黑龍江、甘肅、大連、廈門、呼和浩特、吉林、雲南、內蒙古及新疆10大省市的特產與文化元素。

另一新展區以1997年停業的主題樂園「荔園」為主題，設有多個經典攤位遊戲和遊樂設施，如叮叮船、碰碰車、大型充氣裝置等，還有遊戲如開心掟階磚、活潑熊貓派對、百發百中擲鐵罐等，重建昔日荔園地標，供巿民旅客打卡。

其他特色包括：

～   每天首500名入場人士可獲精美入場禮一份

～   「幸運大獎賞」：參加者只需在《消費指南》內抽獎券填妥簡單個人資料，即可參加抽獎，有機會贏取家電及保健品等總值3萬港元豐富獎品

～   電子消費獎賞：入場人士以電子貨幣消費滿港幣300元或以上（最多2張收據），即可參與抽獎1次；消費滿港幣600元或以上（最多3張收據），則可抽獎2次

～   工展會APP會員可於7月24日至8月3日參加抽獎，有機會贏取家電及廚具等總值1萬港元豐富獎品

～   參與拍拍賞有獎遊戲，拍中8.88秒即贏大獎，拍不中也有幸運獎

～   每日下午3時於「Chill飲Chill食區」限量派發30杯雞尾酒

～   一系列表演活動、遊戲攤位及Busking獻唱




第5屆工展會購物節

日期：2025年8月1日（星期五）至4日（星期一）

開放時間：（8月1日至3日）上午10時30分至晚上7時；
　　　　　（8月4日）上午時10時30分至下午5時30分
*每天結束前30分鐘／最後一天結束前1小時停止入場。

地點：亞洲國際博覽館5及7號展館（東面入口，近博覽館站A出口）

入場費：$10

早鳥優惠：由即日起至7月31日，網上購票可享早鳥價$8。

免費進場優惠：
● 身高1米或以下小童；
● 65歲或以上長者；
● 殘疾人士；
● 海內外旅客憑有效旅遊證件；
● 即日起至7月28日（上午10時前）可到Mycookey社交平台（Facebook／Instagram）留言領取免費電子票2張！

詳情：工展會購物節網站

交通方法：設免費穿梭巴士、機場快線優惠

亞博館雖然位近機場，不過去購物節會場卻很方便，因為設有多條免費的穿梭巴士路線，還有機場快線鐵路乘車優惠！

● 免費乘搭東涌特快巴士X1，由東涌巴士總站（港鐵東涌站B出口）直達亞洲國際博覽館

● 3條免費穿梭巴士路線，於展會期間來往荃灣、屯門及天水圍至亞洲國際博覽館

● 機場快綫車票優惠，只需憑即日活動證明，即可於機場快綫香港站、九龍站或博覽館內之指定櫃台，使用八達通以$65換購即日來回博覽館站車票1張（不包括免費港鐵接駁服務）；而使用同一張八達通並於博覽館逗留最少1小時，亦可以優惠價$53元，即日來回青衣站及博覽館站

● 其他巴士路線，都會行經博覽館站，包括多條「A線」或「E線」巴士，如A23、E21、E22、S56等

發佈者： 於 沒有留言:
標籤：

2025年7月18日星期五

金山海鮮酒家

約咗10位朋友晚飯傾偈，先來幾道菜一路傾一路飲下酒，店子收 $30開瓶費，記憶中係城中最平。燒鵝半隻 $270，脆皮生炸大腸 $88 ，砵酒焗鱔球 $118，金銀蛋莧菜 $98都唔錯，而鍋貼鮮蝦小棠菜 $98 最受歡迎。懷舊雞蛋焗魚腸 $88 有腸有肝好足料。

再點多一輪菜，馬拉盞海鮮豆腐煲 $98 馬拉盞味道唔重，鮮蝦魷魚彈牙爽口豆腐嫩滑。牛油焗白飯魚 $88 則是全晚最失望，比較油膩又唔脆。黃沙豬潤啫啫雞煲 $88，洋蔥蒜燒牛仔骨 $98，菠蘿生炒骨 $88 都正常發揮。黃金墨魚餅 $98 墨魚膠彈牙唔油膩，唔錯。最後蛋散做甜品，咁多道菜，每人不到$200，食得開心又划算。






































金山海鮮酒家
佐敦彌敦道219號莊士倫敦廣場7樓

發佈者： 於 沒有留言:
標籤：

2025年7月17日星期四

初麥手作烘焙 Jake n' me Bakery

人氣烘焙店由北角紅到喺銅鑼灣開分店，款式多又精緻，見到都開心，早利亞選擇困難症又發作啦～

店子出晒名嘅招牌芋泥布丁包，銅鑼灣店增加三款新品麻糬布丁，包括原味、朱古力及杜拜開心果。而海鹽牛油卷、海鹽朱古力包、海鹽黑松露包早利亞覺得可以媲美 Truffle Bakery。開心果系列依然受歡迎，開心果布丁包、開心果麻薯布丁、 開心果骰仔千層包及薄脆牛角等。仲有多種味道嘅湯種bagel貝果，法式酥餅及法式鄉村包。

店子亦提供鹹味產品明太子系列包括明太子法包，內餡豐富嘅明太子卷及銅鑼灣店限定的明太子酥，下次見到一定買嚟試試～































初麥手作烘焙 Jake n' me Bakery
銅鑼灣軒尼詩道475號地下E號舖

發佈者： 於 沒有留言:
標籤：
訂閱： 文章 (Atom)