繼續講下2025工展會，早利亞每年都會去煤氣公司買Ling Lee 產品，護膚嘅純正野生椿花油、食用嘅野生山茶食用油及其他產品都有特價，買滿$500仲有贈品。
安記海味（2B48-57）今年有優惠價乾貨海味福袋外，仲有零食鮑系列以超優惠價格比大家試試鮑魚海參都可以當零食嘅滋味。
八合里牛丸充滿潮汕味道，今次有熟食攤位（6C07）提供多款丸類、燒賣、袁記雲餃及雞髀等。
蛋撻王（6C65）今年新出麵包布甸蛋撻，裡面加入提子乾，味道豐富咗，仲有官燕棧燕窩3.6牛乳撻，啱晒乾燥天氣滋潤下。而美食方面仲有嘅手撕海南雞炒芫茜銀針粉同埋開心果醬脆魚皮，都係自家創製，芫茜控及開心果fans唔好錯過。
紅盒玩具廠有限公司（6A42）每星期有不同玩具特價由$5起，小朋友一定最開心。
「第59屆工展會」
日期 2025年12月13日至 2026年1月5日（共24天）
地點 銅鑼灣維多利亞公園
開放時間
12月13日至22日：上午11時至晚上9時
12月23日至31日：上午11時至晚上10時
1月1日至4日：上午11時至晚上9時
1月5日：上午11時至晚上8時 （展覽會於每天結束前30分鐘停止參觀人士進場；最後一天提早至結束前1小時）
工展會入場費10元
~身高1米或以下小童、65歲或以上長者及殘疾人士免費入場
~每日晚上7時起，所有人士免費進場（1月5日除外）
~訪港旅客可憑旅遊證件到旅客中心（天后入口右側）免費領取嘉賓券
