約咗10位朋友晚飯傾偈，先來幾道菜一路傾一路飲下酒，店子收 $30開瓶費，記憶中係城中最平。燒鵝半隻 $270，脆皮生炸大腸 $88 ，砵酒焗鱔球 $118，金銀蛋莧菜 $98都唔錯，而鍋貼鮮蝦小棠菜 $98 最受歡迎。懷舊雞蛋焗魚腸 $88 有腸有肝好足料。
再點多一輪菜，馬拉盞海鮮豆腐煲 $98 馬拉盞味道唔重，鮮蝦魷魚彈牙爽口豆腐嫩滑。牛油焗白飯魚 $88 則是全晚最失望，比較油膩又唔脆。黃沙豬潤啫啫雞煲 $88，洋蔥蒜燒牛仔骨 $98，菠蘿生炒骨 $88 都正常發揮。黃金墨魚餅 $98 墨魚膠彈牙唔油膩，唔錯。最後蛋散做甜品，咁多道菜，每人不到$200，食得開心又划算。
金山海鮮酒家
佐敦彌敦道219號莊士倫敦廣場7樓
