早利亞的美食感覺: 上水食到嚟太子蛇王兄

2025年3月3日星期一

上水食到嚟太子蛇王兄

早前天氣有點涼，諗起蛇王兄，以往一直去上水店，可惜已結業，唯有到太子店排隊等食，等咗一陣有張細枱，3人有點迫，店員都笑了，無所謂啦，大家坐迫d 食得開心就可以。想食大蛇羹、蛇湯及糯米飯及蛇汁雞飯，店員幫我哋拼加大套餐，太好唔駛傷腦筋。蛇羹依然保持水準，足料蛇肉，還有木耳絲、冬菇絲等，廚師推得濃杰適中，加上枱上自由添加的檸檬葉及薄脆，非常滋味。蛇湯濃郁藥材香味，清甜可口，熱騰騰，飲落非常暖身。糯米飯粒粒分明，雖然口感軟糯但略嫌水分多點，有點腍，臘腸潤腸則不錯。還有雞飯，雞依然做得很滑又有雞味，雞胸肉都唔嚡，好食。