近期見到網上有食評比較灣仔多家燒味店，咁啱早前先到這家街坊推介的竺扶大班燒味食午飯，3人行叫咗幾款，諗住樣樣都試試。餐廳裝潢以金色為主，有氣勢，繁忙時間就可能要搭位就一就，應該嘅，最勁舖位唔算大但有多部分體式冷氣，咁熱天時都好夠凍。食嘅時候未知，原來餐廳主理阮先生當年28歲係紅磡海灣酒店有史以來最年輕的總廚、2012年更獲頒法國藍帶美食會會員勳章。
店子主打古井燒鵝，陳皮醬加其他配料揸內籠醃製，當然會叫至尊古井燒鵝配上湯瀨粉 $55，皮微微脆，肉有鵝香而且有醬香。金牌銷魂叉燒皇配上湯粗麵 $52，叉燒腍滑，味道ok，係醃料顏色比較勁，早利亞比較鍾意天然d。豉油雞燒腩仔飯 $56，雞肉都滑，燒腩仔有驚喜，皮脆部位又好，有肥有瘦，唔錯噃，整體比較重口味。最後個老火湯亦係無得彈，夠火候，飲後又唔覺口渴，佢哋每日都已定咗唔同嘅例湯，叫之前可以望望啱唔啱飲，或可轉咖啡奶茶等。同場加映另一日例湯，冬瓜薏米煲豬骨湯都好足料㗎～
竺扶大班燒味
灣仔三角街2-3號華欣閣地下3號舖
沒有留言:
發佈留言