早利亞的美食感覺: 入麵

2023年8月22日星期二

入麵

石門呢間入麵，顧名思義係食麵食為主嘅台式店子，今次其實係想喺石門買晚飯外賣，見到佢嘅晚飯套餐有回味醬骨架吸引了早利亞，於是就買了2set，可配日式、麻香、口水汁或薑蔥蒜撈麵，另亦可選配番茄湯麵、麻辣湯麵、豬骨湯麵，真係好多選擇。每款套餐配一杯台式飲品，可選珍珠奶茶、冬瓜茶、白桃綠茶或荔枝玉露，仲要係冷熱同價。

回味醬骨架炆得又香又腍，好食呀，溏心鹵蛋亦到位，配薑蔥蒜撈麵，個撈麵原本已經好有蒜香，真係唔錯。而薑母鴨我估有湯應該配飯，薑母鴨味道不算太重，薑味算溫和，可以撈飯或直接飲，鴨胸肉就有點柴，不過又真係鴨肉特性，髀肉就好些。

冬瓜茶及荔枝玉露都唔錯，下次記得叫少冰少甜，早利亞就飲得更開心。