早利亞的美食感覺: 美食博覽 2023 （4）

早利亞好開心有機會跟一些店子傾過偈
The Nutter Company 3B-E04 於香港自設廠房限量手工製作各款果仁醬，如花生醬、杏仁醬、腰果醬等等，今年更新推出黑芝麻醬。為將果仁的味道完整呈現，各款原味果仁醬成份100%只得果仁，不另添加糖、鹽、油或任何添加劑，果仁味道濃郁，口感獨特，天然健康。會場優惠提供試食價每杯減$10及組合價$150，一次過試晒花生醬海鹽、特濃開心果，加咗少少牛油果味道清新更creamy、特濃榛子及今年新推出特濃黑芝麻雪糕。Gelato 雪糕 texture creamy 但唔漏，整體溶化得好平均，香味留係口腔，呢d特點關乎雪糕技術、溫度控制、空氣打入速度等，採用意大利機器，食材熟成1晚先造成雪糕，Nutter 同事遠赴雪糕大學讀咗雪糕課程，嚟緊會再去深造，咁有心，當然有成果，值得鼓勵。

OMNI 1E-D08 新推出台灣系列台灣製造蘿蔔絲豬肉烤餅、紅豆烤餅及黑胡椒蔥餡餅，而且第一年喺熟食區售賣點心及烤餅，可以現場食。OMNI同時亦推出新餐肉2.0 飽和脂肪減咗90%，質感更似而且更健康。於會場推出限量「新滋味福袋」$100，包括台式烤餅、新餐肉2.0、新漢堡排、新吞拿、新魚柳及荷葉新豬肉三色糯米飯，非常抵。

飲品包括BOSCOVIVO 3B-D11松露奶茶，松露蜂蜜代替白砂糖，4種唔同嘅茶葉做茶底，帶出港式奶茶嘅茶香味，松露味香而有回甘又不會蓋過茶香。白松露雪糕，每杯都會有一兩片幾白松露，而且加咗cream cheese，口感更順滑。另一產品白松露手工啤，同本地手工啤酒廠合作，香港製造。

今年Mr Putu 3B－F01古樹咖啡又有新搞作，製作出古樹咖啡朱古力紅莓酸種包，選用古樹咖啡粉加入酸種包配上法國 Valrhona 85%黑朱古力粒、紅莓乾及法國黑粿麥粉等天然材料製作餘30小時，而亦用了酸種天然發酵技術焗製布朗尼蛋糕，以有機棕櫚樹紅糖代替白糖，健康甘甜，配埋咖啡perfect match，食「得」健康

Mr Putu 10%猫屎咖啡*（手沖/espresso）+布朗尼
現場試食價套餐價：HK$65
Mr Putu古樹咖啡*（手沖/espresso）+布朗尼
現場試食價套餐價：HK$75
* 凡現場成為會員/舊會員，「試飲套餐」可自動升級為 15%Golden猫屎咖啡/百年古樹咖啡（限量）
會展期間每日新鮮烘焙故數量有限量，售完即止。

味珍味 1B-C02 引入多款受香港市場愛戴的日本食材，果汁牛乳，拉麵+味付蛋，UCC 咖啡產品，熟成雞肉等，當中包括日本當造水果及雞蛋，今次係會場有多種優惠，拉麵Tote bag套裝，手挽袋套裝，手拉車套裝及日本直送水果等。