返工想食晏想坐得舒服食好d？
由荔枝角地鐵站步行數分鐘便可到達 Ricky 張錦祥主理的餐廳祥仔， 屬於 The Food Story group，主打香港地道菜式，碟頭飯粗菜精做，味味也是Ricky 的拿手菜，今日專誠約幾位好友到來，一定要飲招牌的兩日兩夜羅宋湯，本地番茄、紅菜頭、煙肉及牛肉等，用兩日兩夜時間去令蔬菜豐富味道完全溶化在湯內，甜酸平衡，上菜時加香草牛油，增添香氣。
意式素菜沙律菜顏色繽紛，使用澳洲羽衣甘藍及日本南瓜，紅椒橙椒都已起外皮，細心處理，輕輕一點醋汁感覺清爽。
鮮粟米真星斑飯，用上湯慢煮浸熟星斑片，新鮮有機粟米加忌廉來做醬汁，入口鮮甜濃厚。
香辣手撕雞飯，雞肉嫩滑，微辣惹味，但香飯才是重點，吸收香茅、乾蔥、蒜頭、薑等香料及雞湯精華，一口接一口吃不停。
祥仔脆脆豬扒飯，用日本麵包糠炸美國豬扒，外皮非常鬆脆，肉質偏腍，配上番茄汁，意大利罐頭番茄加雞湯，真材實料。
慢煮快烤美國豬鞍，香甜有肉汁，厚身但絕對嫩滑，很有水準。
南美香辣燒春雞，乾身香口，肉質嫩滑，惹味非常。
雖然午餐平均過百，以區內消費比較略貴，但食材優質，講究細節，食物有水準，座位舒適寬敞，難怪一到中午時分便出現人龍。餐廳暫時只做早、午市，晚市可預約私房菜，大家留意喔。
祥仔
長沙灣永康街9號地下G06號舖
註：鄰近荔枝角港鐵站，永康街9號提供時租停車位
facebook
沒有留言:
發佈留言