多位親戚一起拜年，自助餐是一個不錯的選擇，各人依自己喜好選擇食物，大細朋友都開心。年初二午市自助餐 成人$358，長者$298，小童$268，中等價位，等早利亞帶你睇睇有咩食。
首先西式冷凍前菜有風乾豬肉、黑椒三文魚、salami、燒牛肉沙律、薯仔沙律、芝士盤、凍肉盤多款等，另有師傅即場手握壽司、刺身等。
熱葷方面有中式賀年菜式、蓮藕炆豬手、蘿蔔牛腩、咖哩海鮮、即炒小菜如京都骨、天婦羅、串燒等。西式燒牛肉配燒番茄洋蔥，再到水耕菜區自由選配，多款沙律菜外還有三角豆腰豆及比較少有的白蘆筍，配搭不同醬汁或黑醋橄欖油。喜歡食湯粉的朋友可到粉麵區，多款配料任君選擇，另有中西湯，今天是忌廉蘑菇湯及鱆魚蓮藕排骨湯。
最後甜品區非常吸引，多款凍餅、日式芝士蛋糕、Opera cake 歐培拉、香濃朱古力、蘋果批等，亦提供movenpick 雪糕多款味道及配料，早利亞就選擇了 Rum酒提子，提提大家還有中式的豆腐花，相當香滑喔。
綠茵閣
北角城市花園道9號城市花園酒店1樓
註：鄰近炮台山地鐵站，國都廣場提供時租停車泊位
facebook
沒有留言:
發佈留言