深水埗人氣熱石牛扒專門店早前開分店到灣仔，今日早利亞就約埋朋友一齊食lunch，入內先㩒機落單，選擇牛扒部位包括三拍子牛扒，招牌牛扒肉質較韌，但牛味重，牛柳肉質細嫩腍滑，還有西冷，油脂分佈比較豐富，有油脂香。由$75 180g 三拍子牛扒 至 $229 400g 西冷牛扒，豐儉由人，任君選擇，價錢亦已包括沙律吧，牛肉餐湯及白飯任食。
取提示器後可以先入座，到沙律吧取沙律，選擇醬汁後，提示器已經響起，牛扒以1成熟放上熱石，溫馨提示大家打卡後可盡快享用，雖然熱石冷卻了可以問店員再取，但亦要不時切件及翻轉牛肉，熱力煎至心水熟度，專心享受。多款醬汁中，早利亞喜歡簡單的加點鹽，但朋友更加有創意，先放少少wasabi，再點少許鹽，去了辛辣味道，不會刺激鼻子及淚腺，但又提起肉的鮮味，非常夾。300g 牛柳雖然腍滑，但肉味還是 300g 三拍子牛扒重。加上白飯真是最佳配搭。
三ステーキ 休息中 Triple Steak
灣仔克街6號廣生行大廈B座地下B3號舖
註：鄰近灣仔站，附近有咪錶泊車位
沒有留言:
發佈留言