早利亞的美食感覺: 大圍潮州酒家

2015年4月20日星期一

大圍潮州酒家

到大圍食潮州打冷，價錢公道又多款式一定係生昌。話明海鮮酒家，海鮮新鮮及多款任點就一定，而此店有戶外位，氣氛又熱鬧，大家興高采烈，每位客人一入門口已左望右望，睇下今晚邊種海鮮靚，蒜蓉蝦好定金不換炒蜆？

今天跟友人來始終係想食潮州菜，還是點鹽焗烏頭，鹹度剛好，一打開見到豐富的黃油，肉質嫩滑無泥味，果然靚魚。鹵水鵝肉反而覺得普通，鹵水味偏鹹，香料味不足，鵝肉雖然嫩滑，但欠鵝味，令整體打了點折扣。反而紅燒走地豬肉給我驚喜，豬肉用潮州鹹菜炆煮，夠腍又不太肥膩，餸飯一流。最後來個生昌海鮮粥，非常足料，蝦、魷魚、九肚魚連賴尿蝦都有，味道很鮮，讚呀！

店中運作有自己規律，客人自己找位子，亦見有客人攞點菜單到鹵水師傅處點滷水拼盤，埋單亦請出去收銀處。看似有點亂，但亂中有序，每位店員緊守崗位，點餸會給你提議，感覺好有人情味，不似得現今酒樓的刻板招呼方式，無靈魂的帶位送菜。