早利亞的美食感覺: 咪走雞

2015年4月8日星期三

咪走雞

有水準的葡國菜未必一定要到澳門，位於西貢海旁的咪走雞 Mike’s Chicken，環境舒適優雅，有戶外座位，可帶愛犬一起進餐，也是不錯的選擇。

正宗葡國菜當然要點傳統烤沙甸魚做前菜。沙甸魚加上粗海鹽燒得香，火候恰到好處，魚肉鮮甜，充滿油香。跟著霹靂雞到來，雞是半起骨的，原隻慢燒嫩滑非常，塗在上面的霹靂椒醬香辣惹味，令不太嗜辣的我又愛又恨，慢慢品嚐辣椒跟香料同雞肉結合的化學作用。

砵酒燴牛尾，酒味香醇，牛尾亦夠腍，用叉子一拉就骨肉分離，加上紅蘿蔔薯仔及椰菜，配上法包一流。葡式炒飯，淡淡葡國臘腸香，加上葡萄乾、紅蔥頭、蒜頭、黑橄欖、青橄欖及香濃番茄醬，炒得乾身不油膩。美食配上靚天氣靚環境，滿足。

暫時餐廳食品還是用心的做，上菜比較慢，希望這些餐廳可以堅持，一向經驗，當老闆大廚不再堅持，水準就跌watt，那就可惜了。