一向都提早同老人家食團年飯，所以正年三十那晚就隨便食一點簡單晚餐。到上水行行，竟發覺平日要排隊的隱世拉麵山下有開門營業，立刻進去坐下，來碗黑蒜拉麵、沾麵、餃子及炸蠔。餃子皮薄餡靚、炸蠔新鮮熱辣、初入口覺得普通、但竟然有頗重的蠔味，讚。黑蒜拉麵味道令人好舒服，黑蒜不搶味，仲飲晒d湯。沾麵更加令你一啖接一啖，每撮麵浸落湯，拉起一點肉絲，放進口內，煙煙靭靭，美味無窮，味覺同口感嘅享受。
上水新康街63號地下D3-D4號鋪
注: 鄰近上水地鐵站，區內亦有多個咪表車位, 可供停泊。
得閒睇下我的專頁丫 ^^
沒有留言:
發佈留言