豐園韓國料理

到尖沙咀韓國街找食，本想去某某，怎料眼見一班旅行團比我們先到一步，當然轉彎再找。知道豐園水準不錯，雖然裡面無人，見伙計姐姐示意已準備好，那就直闖啦。

點了牛肋煲及石頭飯，先來六小碟，每一味都盡本分，味道恰到好處。主菜同時到，石頭飯香味撲鼻，請姐姐幫我地撈勻，加上辣椒醬，配合得天衣無縫，金黃飯焦亦非常脆口，完全沒有燒焦，可見石頭碗溫度剛好。牛肋煲更濃香，牛肋肉入口即溶，蘿白鮮甜，真係無可挑剔。

豐園韓國料理

尖沙咀金巴利道75號地下

注: 尖沙咀步行十分鐘