農家午市套餐

今天須要到上水，辦完事又到石湖墟市政大廈醫肚。

到聞名已久的農家意粉餐廳，試試市政熟食中心的西餐。已往曾經多次到農場餐廳食晚餐，所以都有一些情意結，想回味一下當年的味道。

今次叫了牛肝菌汁大蝦薄牛扒意連忌廉雞湯，湯及蒜茸飽立刻到，合格有餘。主菜反而等了十五分鐘以上，一定係落單後才煮的，一般快餐起碼都煎定扒啦。主菜到，汁濃，牛肝菌很香，蝦爽，一定係新鮮煎的，牛扒雖薄，但還保留了肉汁，以$43的價錢，真係物超所值。

農家意粉餐廳

上水石湖墟市政大廈2樓4號舖

注: 鄰近上水火車站