2023年11月8日星期三

龍門客棧上海菜

早前係 We Go mall 搵食，留意咗呢家幾次，商場望落成日以為未開，原來上一層近地面另有地方已有客人，好想食小籠包，今次就試試吧。首選招牌小籠包，再來生煎包，再點2個小菜。回鍋肉先到，明顯即炒，有鑊氣又有醬香，唔錯噃，佐飯一流，跟住店員送上紅燒雜菌獅子頭，獅子頭做得鬆軟有肉汁，味道偏甜係這道菜特色，有水準，加咗雜菌有別傳統，增加口感，感覺豐富些都好。食得開心之際，小籠包到來，賣相已經一般，入口更失望，雖然有肉汁，但皮做得唔好，味道亦一般，碟醋又得2條薑絲，起唔到提味作用，可惜。生煎包更加出乎意料，不是豬肉餡而係胡椒酸菜餡，雖然早利亞係鍾意胡椒包的，但這包又有點過多胡椒吧，大家叫生煎包要留意啦～
 
最後店員話有甜品送，桂花酒釀小丸子，甜度剛好桂花亦香，食咗比較重味的晚餐後，這小碗糖水掃走油膩感，令味蕾放鬆好舒服～

























龍門客棧 馬鞍山保泰街16號We Go Mall地下G06號舖

發佈者： 於 沒有留言:
標籤：

2023年11月6日星期一

恆安 Motto Bakery

馬鞍山恒安邨隱世麵包小店 MOTTO Bakery，供應多款新式麵包和西餅蛋糕，有傳統包亦有創意作品，其中一款名物－雙層cream cheese，鬆軟麵包夾了兩層香滑 cream cheese，仲有爆香芝士香蒜脆法、紅豆沙翁、法式布甸包等，傳統款式亦好多，賣相靚仔，價錢仲好親民。不過今次早利亞都係嚟買英式鬆餅，保持水準有牛油香，再買咗個紫薯包，好食過連鎖預製包好多。









Motto Bakery
馬鞍山恆錦街1號恒安商場2樓219B號舖


發佈者： 於 沒有留言:
標籤：

2023年11月2日星期四

圍方山本屋

過江龍手打烏冬店山本屋，大正14年（1925年）創業。店家擁有過百年歷史，其第五代傳人之一青木晃佑更遠赴香港分店坐鎮，保證味道正宗地道。  

味噌燉煮烏冬麵使用愛知縣岡崎產框久的八丁味噌和白味增配製，獨特香醇，口味濃郁。烏冬使用100%國產小麥製作，麵質煙靭有嚼勁。盛面的容器使用的是講究的日本代表性的陶瓷器=信樂燒的砂鍋，從烹調到上桌都使用同一個砂鍋，因此就算過了很長時間也能品嚐到熱乎乎的味噌烏冬麵，想有口感就立刻開蓋品嚐，想腍滑些就蓋焗多幾分鐘，讓麵吸收精華。

今次早利亞平日到來，開店一會已有人龍。早利亞當然食味噌湯，味道真的很濃，而麵質獨特，跟一般烏冬是無得比，就是要有心理準備比較重口味。食飽後見到師傅開始打烏冬，手切條條幾乎一樣，新鮮質感就是咁來的。






















山本屋 大圍車公廟路18號圍方5樓527號舖



facebook



請讚好我的專頁 可以收到更多新資訊
https://www.facebook.com/juliatsui88

也可以follow 我的 Instagram
https://www.instagram.com/julia.tsui/

#早利亞廚房

#早利亞的美食感覺


發佈者： 於 沒有留言:
標籤：

Village Bakery

街坊幫襯過位於梅窩的隱世手工麵包店，已開店十年嘅 Village Bakery，各款烘焙食品都好有水準，今次又夾幾位街坊，叫車外賣麵包及蛋糕。

Bacon twist $18，收到即刻入爐焗幾分鐘，面脆餡料鹹鹹香香，配杯飲品一流。Apricot walnut prunes sourdough $23，亦好足料，麵包有質感又香。Olive Baguette $15 內有幾粒酸橄欖，加點黑醋橄欖油好夾。第二日早餐，烘熱切開English muffin  $12 ，煎香腸加炒蛋，好食過坊間買到的muffin 好多倍。最後下午茶，Apple Tart 蘋果批 $14，玉桂跟蘋果餡超配，好滿足。有機會一定再買，只係要考慮買幾多，因為無防腐劑真係唔可以放太耐，1－2日室溫後就要放冰格，記得不要放雪櫃下格，會抽乾水份影響麵包質素。

這小店出品質素真的很不錯，或許下次到大嶼山逛逛或行山時，記得去幫襯下。













Village Bakery
梅窩碼頭路16號福安閣地下2號舖

發佈者： 於 沒有留言:
標籤：

2023年10月30日星期一

譽麵坊

今次早利亞係專程嚟食土瓜灣老店嘅名物南乳炸雞，土瓜灣朋友一定食過，甚至經常光顧，中午時段門外都會有人排隊等位，食物款式簡單，翻枱都快，等一陣入座後見外賣單不絕，好好生意喔。

一般人配米線，早利亞見可以配撈麵就食撈粗。等咗一陣，雞球即炸好新鮮脆身，尤其雞皮好好食，但一點也不油膩，雞肉依然嫩滑及有肉汁，附加的南乳汁不是南乳豬手咁紅色，而係深啡色比較濃稠，雞肉蘸點南乳汁更惹味。價錢好親民，份量不少，$42 有5大件雞，真係太件夾抵食，加埋麵食得滿足。











譽麵坊 土瓜灣新山道6號


發佈者： 於 沒有留言:
標籤：
訂閱： 文章 (Atom)