2023年10月23日星期一

石門足料搞餃鎮

今次嚟到石門食餃子，同區有多家，就是呢度用淮山做餡料及花膠淮山鮮雞湯吸引早利亞。

店子有幾款創意餃子，帆立貝萵筍鮮蝦餃、芝士粟米鮮蝦餃、芫茜馬蹄餃、紫菜粟米豬肉餃咖哩淮山羊肉餃等，花多眼亂，最後早利亞揀咗雙拼，黑松露蟹籽鮮蝦餃拼淮山野菌雞肉餃，每款3隻，等咗一陣，明顯即煮，店員送上時熱騰騰，餃子比一般大隻，餡料飽滿口感豐富，味道剛好，花膠淮山鮮雞湯入口甜美，感覺滋潤，唔覺有味精，好味，份量足好飽喔～如果三拼9隻早利亞應該食唔晒。臨走再帶半打芫茜豬肉生餃返屋企，size 都係大大隻，肉餡滿滿，記得煮耐少少呀～


發佈者： 於 沒有留言:
標籤：

2023年10月13日星期五

荳子早餐

Beans 荳子餐廳好多地方都有分店，但喺九龍灣分店早利亞就第一次用自助及單點方式買早餐。早前早利亞就約咗朋友食早餐兼閒聊，店子set 咗4款基本餐，你可以再加不同嘅配菜，亦可完全由自己選擇。今日早利亞就選了炸魚跟薯仔粒及蛋，可選煎蛋／炒蛋／太陽蛋等，再加炒蘑菇$8及合桃包$6，價錢逐樣計，另熱飲品如咖啡奶茶及檸檬蜜糖加$8，好豐富喔。環境寬敞，沒有急趕的感覺，傾耐了還可以加熱水，跟朋友聚會十分舒適。



















荳子 Beans 九龍灣偉業街33號德福廣場1期平台P39A號舖

發佈者： 於 沒有留言:
標籤：

2023年10月12日星期四

7仔燒賣升呢

早前「7 仔食檔」做咗次特價 $11/10粒魚蛋或燒賣，主要想比大家試下新配方，早利亞就買咗雙拼，好鍾意新配搭嘅醬汁同新配方嘅口感，店子表示採用多款魚肉製成魚漿，由老字號綿香廠房獨家調配蔥香豉油及秘製有渣辣椒油，早利亞就要求辣椒油另上，而沙爹魚蛋亦配上獨家配方綿香嘅沙爹醬，非常惹味。

今日再買已經係原價$16/10粒，依然抵，早利亞自備2個盒仔，唔想撈亂2款醬，嘥咗就唔好啦。同姐姐傾咗幾句，佢啱啱喺度做咗約10年，$11 係當年嘅價，之後 $1 、$1咁加到依家，轉咗新配方後，魚蛋燒賣足足賣多咗一倍，可想而知大家都幾鍾意呢個改良版。






facebook


請讚好我的專頁 可以收到更多新資訊

也可以follow 我的 Instagram


發佈者： 於 沒有留言:

2023年10月7日星期六

韓式外賣@沙田新城市

新城市睇完戲，唔想食咁full，諗起呢家韓式外賣店，買客飯捲返屋企慢慢食吧～店子門面已見好多韓式前菜及 Kimchi 泡菜，任君選擇，亦有唔同口味炸雞，而飯捲有炸蝦、豬扒、魚糕及芝士，早利亞最後選咗牛肉飯捲，賣相靚仔，入口又好味，口感清爽，份量足，$50 抵食～












發佈者： 於 沒有留言:
標籤：

2023年10月3日星期二

下午茶@Dan Ryan

十幾個朋友約埋飲下午茶聚舊，今次係飲西茶，揀咗去尖沙咀Dan Ryan，有人要求食焗薯皮，咁多人，樣樣都想試，先嚟 2個大拼盤－Chicago combo 芝加哥拼盤 $318，包括有Onion Rings 炸洋蔥圈、Cheesy Baked Potato Skins 芝士焗薯皮、Buffalo Wings 水牛城雞翼，而拼盤跟三款醬，Blue cheese dip 藍芝士醬、BBQ sauce BBQ醬及Sour Cream 酸忌廉。

再叫多幾款小食 share share，Cheese and Ham Wodden 火腿芝士盤 $138、Beer Fish & Chips 啤酒黃金炸魚 $228 及Sweet Potato Fries 番薯薯條 $64。到飲品，各自點咖啡、茶或啤酒，但早利亞想飲熱的，咁不如叫個湯，呢款湯用麵包做碗好特別，就咁話，England Clam Chowder 蜆肉周打湯 $88 材料足味道恰到好處，不過稍傾一陣，麵包已吸收大部分湯，雖然唔影響味道，不過下次知道呢個湯要快點飲喔。

最後點咗2見蛋糕作甜品，Classic Carrot Cake 傳統芝加哥甘筍蛋糕 $108 好大件，味道足，質感濕潤好好食，In-House Baked New York CheeseCake 自家製紐約芝士蛋糕 $95 啖啖芝士味但唔覺腻，口感細緻，甜度剛好。

每款食品都做到本份，但未算精采，甜品印象比較深，餐廳服務倒很貼心，環境寬敞，大家傾得好舒服好開心～




















Dan Ryan 尖沙咀廣東道3-27號海港城海運大廈3樓OT315號舖

發佈者： 於 沒有留言:
標籤：
訂閱： 文章 (Atom)