早利亞的美食感覺

2014年1月17日星期五

瓏門小廚

間中係小巷子會找到美味小館，像今天係粉嶺，𨍭角處見到招牌寫上山東燒雞，吸引我入去。小館子大約二十個座位。除了山東燒雞外，我們還點了麻婆豆腐菜飯及紅燒豬手。燒雞手撕上，淋上醬汁，非常野味。豬手賣相麻麻，炇得夠火候，肉一掂就離骨，味濃但不過鹹。好一陣子沒有嚐到咁香還有麻辣味的麻婆豆腐，名符其實。有些時侯，小店用心做飯，味道真的比大型連鎖店好。

瓏門小廚
粉嶺和隆街40-42C地下

注:鄰近粉嶺火車站，區內亦有多個咪表車位, 可供停泊

得閒睇下我的專頁丫 ^^

https://www.facebook.com/juliatsui88?

2014年1月14日星期二

朋友介紹，想食順德美食去黃大仙天祥，位於大成街街市的熟食中心二樓，而街市有多個入口，需要問問街坊才找到。先點煎釀鯪魚，將鯪魚起肉，打至彈牙，加冬菇蝦米，釀回魚內，半煎炸，非常香口但比較熱氣一點。荔芋扣肉，南乳汁好香，荔芋鬆化，扣肉入口溶化，送飯一流。東江豆腐煲，清清地，又正氣。最後來的薑蔥炒雞，鑊氣夠，薑蔥香，雞有雞味，估不到咁好食。今天我哋比較遲來，沒有那麼多客人，老闆可以得閒同我哋傾下計，又介紹其他食品，非常隨和，對食物誠意十足，味味都係功夫菜，還有多個菜留待下次再試吧。

天祥順德美食
黃大仙彩虹道121號大成街街市大樓2樓

注: 鄰近黃大仙鐵站，附近有時租停車場及咪錶位。

得閒睇下我的專頁丫 ^^

https://www.facebook.com/juliatsui88?

2014年1月6日星期一

新漢記飯店

又係一班人聚埋，最好食餐飽嘅時間。今次食客家菜，到粉嶺新漢記，當然要試出晒名的走地雞，皮薄無脂肪，肉質有趙口，還有淡淡的雞味。老闆話今日有野生黃鱲倉，提議用豆泡豆角炆，鮮甜美味，果真無介紹錯。客家菜怎可缺少炆豬腩肉，另叫了炆鴨，個人比較喜歡豬腩肉，雖然吃了比較有罪惡感。再來清清地炒什菜，一點也不敷衍，炒得爽爽的。另一味老媽子釀苦瓜亦做得出色，苦瓜一點也不苦，甘甘的味道配合釀豬肉，又可送兩碗飯。以鮑汁鵝掌麵埋尾，麵吸盡鮑汁精華，令人回味。

新漢記飯店
粉嶺聯和墟聯和道5號

注:鄰近粉嶺火車站，區內亦有多個咪表車位, 可供停泊

得閒睇下我的專頁丫 ^^

https://www.facebook.com/juliatsui88?

2014年1月2日星期四

金不換泰國餐廳

今年做冬攪下新意思食泰國菜。因為同老人家一齊，不想食太多油膩煎炸食物，所以没有叫拼盤，改為肉碎生菜包同燒豬頸肉，不過不失，醬汁則非常惹味。做冬必要叫隻雞，泰皇雞似炸子雞加個酸甜獻汁，香囗而肉質嫩滑。青咖哩雞，加配兩客法飽，美味非常，另加兩碗白飯也吃光。最後來個招牌菜蛋網炒貴刁，討好的造型，夠鑊氣的貴刁，令人食完一碗又一碗。位於銅鑼灣利舞台廣場內，想必租金昂貴，以每様百元其實合理，可是那兩客法飽，每客4片，竟收我$48一客，等於$12一片，坊間我可買整條長法飽，是否過份點呢？

金不換泰國餐廳
銅鑼灣波斯富街99號利舞臺廣場6樓C-D舖

注: 鄰近銅鑼灣地鐵站，時代廣場有時租停車場。

得閒睇下我的專頁丫 ^^

https://www.facebook.com/juliatsui88?

2013年12月30日星期一

殿糖級

近年大埔舊墟直街開了多間食肆，西式、日式、潮州、韓國鐵板燒都有。糖水舖都不遜色，今日試了殿糖級，一班朋友吃甜品，傾吓計，賞心樂事，而且可以試多款甜品，真合我貪心之意。由冷冰冰的雪糕紅豆黑白涼粉、心太軟配雪糕到熱騰騰的薑汁梳乎厘、原個椰皇燉3.6牛乳，最愛那鐵板雪糕蛋糕，有得玩之外味道又討好，誠意推介。

殿糖級

大埔舊墟直街9號粵發大廈地下3號舖

注:鄰近太和火車站，區內亦有多個咪表車位, 可供停泊

得閒睇下我的專頁丫 ^^

https://www.facebook.com/juliatsui88?

2013年12月23日星期一

外賣＠炊豕店

近住丹麥餅店，開咗一間小食店，吸引大家的目光係店主搜集了很多懷舊物品做裝飾，店內黑板大大隻字解釋店名來源。炊豕店 (音: 吹始)。炊 --- 即燒火做飯之意, 而豕 --- 即家豬。一睇就知道此店是賣豬肉飯為主。今次趕住走，咁外賣啦，唔該。肉燥豬扒飯，酥香鬆軟豬扒配少許肉燥，味道濃，加兩條青菜，誠意之作。另肉燥鹵蛋撈麵，這家店的肉燥不是坊間絞肉做的馬虎貨色，而係炆煮切成小粒的五花肉，無論口感，味覺都有多重感受。牛腩撈麵味道是可以的，可是牛腩不是用靚部位，肉質粗糙，少少鞋口，果然不及豬肉菜式。那小小一碗的大豆芽前菜，味道普通，但價錢一點也不普通，當一個飯或麵賣四十多元時，它要十九元，唔多合理吧。

炊豕店
銅鑼灣禮頓道122號地下

注: 鄰近銅鑼灣地鐵站，新寧道有時租停車場。

得閒睇下我的專頁丫 ^^

https://www.facebook.com/juliatsui88?

2013年12月18日星期三

yayoi 和風定食

見今日天氣靚靚，一於去科學園行下，原來有多間食肆進駐，今次選擇和風定食yayoi。點了澳洲和牛定食、沖繩苦瓜加豚肉定食及東京黑醬油豬軟骨拉麵。先來和牛，味道不過不失，但以$138一客來說，單薄了點吧。再來豬軟骨拉麵，無論豬肉、湯底同拉麵都不合格，不值一提。倒是沖繩苦瓜加豚肉給我驚喜，一嚐便知真正沖繩苦瓜，那獨特的甘苦味和半肥瘦豚肉的油甘香，配合得精彩。如將平價的大陸舊米改為泰國香米或日本米，捨棄難食的香精前菜，立刻可升格兩級。

花見月 Yayoi Japanese Dining Room

沙田白石角香港科學園尚湖樓地下S036號舖

注: 鄰近大學地鐵站，科學園提供時租車位。

得閒睇下我的專頁丫 ^^

https://www.facebook.com/juliatsui88?

2013年12月12日星期四

Croissant + donut = cronut

今天又到名店朝聖，呢間由Amanda S 主理的甜品店，最近人氣急升，大家都想來嚐嚐cronut，由紐約大師傅Dominique Ansel發明的甜品，由法式牛角包同美式冬甩甜甜圈合體，Amanda呢度都有得食，果然圈圈中一層層脆口如牛角飽，雲里拿忌廉甜度適中。見到其他賣相討好的糕餅，無辦法不來多一件。今次選擇熱情果朱古力蛋糕，看似平平無奇，入口方知熱情果的酸同75%朱古力的苦甜，在嘴內產生多層次變化，太回味呢！