金不換泰國餐廳
今年做冬攪下新意思食泰國菜。因為同老人家一齊，不想食太多油膩煎炸食物，所以没有叫拼盤，改為肉碎生菜包同燒豬頸肉，不過不失，醬汁則非常惹味。做冬必要叫隻雞，泰皇雞似炸子雞加個酸甜獻汁，香囗而肉質嫩滑。青咖哩雞，加配兩客法飽，美味非常，另加兩碗白飯也吃光。最後來個招牌菜蛋網炒貴刁，討好的造型，夠鑊氣的貴刁，令人食完一碗又一碗。位於銅鑼灣利舞台廣場內，想必租金昂貴，以每様百元其實合理，可是那兩客法飽，每客4片，竟收我$48一客，等於$12一片，坊間我可買整條長法飽，是否過份點呢？
金不換泰國餐廳
銅鑼灣波斯富街99號利舞臺廣場6樓C-D舖
注: 鄰近銅鑼灣地鐵站，時代廣場有時租停車場。
得閒睇下我的專頁丫 ^^
沒有留言:
發佈留言