2024年10月16日星期三

喜滿樓

見有 youtube 片介紹這家隱世中菜館做傳統中菜，多款菜式須要預訂，今次約埋10人一齊試試佢嘅功夫菜，先嚟懷舊爵士燉湯 10人份量$698，用日本蜜瓜加螺頭、瘦肉雞腳燉多個小時而成，入口非常清甜。跟住嚟係古法燒妙齡鴿3隻 $78/隻，影相時已經聞到好香，皮脆肉嫩入味，唔錯噃。風沙脆鱔球，因為我哋多人，所以店員提議例半 $282，風沙蒜蓉係香，可惜鱔球略嫌切得太薄，無乜口感，若然厚切效果會昇華不少。黑松露蝦多士 $38/件，店員話有黑松露或沙律醬兩種味道，我哋就要各半，原來只是最後放上面的少許醬料，沒太大影響。講返蝦多士本身有蝦膠外還放上有多一整隻蝦一起炸，油控制得很好，沒有多餘油份，夠脆口，味道鮮甜，食完都唔覺油膩。油浸荀殼魚 $358/斤 及八珍豆腐煲（例半） $222 都一般般。芝麻雞 $368 做到皮脆肉嫩，不過乳鴿都係稍勝。荷葉蒸膏蟹臘味炒飯 $688本來係高潮但卻沒有做到應該的驚喜，膏蟹的確好靚好多膏，但質感比較實，蟹味落唔到飯，縱使臘味炒飯好味但做唔到吸收蟹味，咁對這單尾就有點失望了。最後嚟嘅馬拉盞油麥菜 $88 及小炒王 $98 都好香有鑊氣，呢度小炒係唔錯嘅，亦都可以即場加單。總體都唔錯，約多些朋友嚟就可以食多幾款菜式。








懷舊爵士燉湯 10人份量$698


古法燒妙齡鴿$78/隻





風沙脆鱔球例半 $282




黑松露蝦多士 $38/件


油浸荀殼魚 $358/斤




八珍豆腐煲（例半） $222





芝麻雞 $368










荷葉蒸膏蟹臘味炒飯 $688




馬拉盞油麥菜 $88

小炒王 $98








發佈者： 於 沒有留言:
標籤：

2024年10月14日星期一

韓國快餐@Chef's meal

灣仔做完嘢想買些外賣食個late lunch，記得有家韓式外賣，廚師們都是靚仔 oppa，有多款 Kimbap 紫菜包飯及Tofu Pouch Rice 豆腐包飯選擇，$55 任選4件，花多眼亂，請店員提議邊款最受歡迎，推介 Chef's Meal 招牌及炸蝦紫菜包飯，另見燒牛肉豆腐包飯都好吸引，仲有一件就要了剛剛做起的辣味烤豬肉豆腐包飯，一set 好揀一款醬汁，早利亞就選了山葵蛋黃醬，好滿足咁返屋企慢慢嘆。其實最後都不想要蘸醬汁，每款味道都啱啱好，size 都算剛好方便2啖食1件，亦都夠飽好滿足。







 
















Chef's meal
灣仔莊士敦道57號地舖





發佈者： 於 沒有留言:
標籤：

2024年10月7日星期一

土瓜灣西餐 HeySoNuts

路經土瓜灣搵食，今日唔想食中餐，見呢家餐廳 menu 都吸引，等幾分鐘就到12點開門做今日第一個客。同店員傾下，原來店子都開咗好多年，剛剛翻新過，唔怪得感覺新淨舒服，有點歐洲味道。早利亞好鍾意食羊，對羊肉醬炒貓耳朵意粉 Lamb meat bolognese $148 好感興趣，店員再推介自家製蒜香四川醬大蝦炒意粉 Sichuan Garlic Spaghetti $138，廚師焗製多個鐘頭才做起蒜香四川醬，果然蒜香非常，意粉入口帶微微香辣，跟新鮮蝦肉非常夾，好好食。而羊肉醬亦沒有令早利亞失望，夠羊肉味，貓耳朵意粉烹煮時間得恰到好處，咬落少少煙煙靱靱好食呀。聽講weekdays 有set lunch，有時間一定返嚟再試其他菜式～











自家製蒜香四川醬大蝦炒意粉 Sichuan Garlic Spaghetti $138



羊肉醬炒貓耳朵意粉 Lamb meat bolognese $148


綠茶鮮奶 Green Tea Latte $40







發佈者： 於 沒有留言:
標籤：

2024年10月2日星期三

望住日落食飯@天下茶屋

馬鞍山呢家主打日式餐點嘅店子環境舒服，樓底高，視野廣闊，今次假日跟朋友嚟食下午茶，生薑燒豚肉丼$53 味道恰到好處，豚肉滑溜唔柴，選擇了牛乳抹茶就一般般了。另外烤汁牛肉拉麵 $54，以這價錢算正常發揮，生薑綠茶就對胃口。最後到的新特盛併盤 $78，份量十足，主食吉列豬扒非常吸睛，炸獎薄而脆口，肉嫩還有肉汁，前菜揀咗味付牛蒡絲，小食吉列炸蠔都唔錯，咖哩飯係傳統日式微甜，配豬扒一流，想清淡些可選擇湯烏冬，呢set 好滿足，大家食得好開心。

數日後經過要解決晚餐，諗起就到店子外賣照燒雞扒丼，雖然外賣但都做足功夫，值得讚～



















發佈者： 於 沒有留言:
標籤：
訂閱： 文章 (Atom)