經過中環萬邦行，順道到Homebake 買麵包，佢最出名係18小時低温發酵吐司，口感軟綿又有彈性，利用海藻糖代替白砂糖，麪包亦會較濕潤軟熟，仲有好多口味，琥珀合桃、特濃芝士、楓糖椰絲、辣肉腸芝士番茄、海苔肉鬆、開心果朱古力、黑芝麻宇治金時及今次買嘅桂圓紅棗蕎麥吐司。
其他仲有多款手工麪包、巴斯克蛋糕、拿破崙酥，店內亦提供沙律及熱食日式便當，同時亦聯成 Cha Long 調配多款特飲如碳焙烏龍奶蓋茶、水果四季春、牛油果白露茉莉茶、藍莓士多啤梨白露茉莉茶等等。
講返我嘅桂圓紅棗蕎麥吐司，麵包質感係好綿密，但紅棗及桂圓都太大粒，感覺餡料切碎會融合得更和諧。
中環皇后大道中33-33A號萬邦行地下B號舖
請讚好我的專頁 可以收到更多新資訊
也可以follow 我的 Instagram
沒有留言:
發佈留言