由經驗豐富、精通創新粵菜酒店星級大廚豪哥主理嘅「鮮熬滑雞金湯麵專門店」《坐鎮》於2023年8月19日 開幕至今差不多1年，今天嚟到土瓜灣路過見有位就試試。
友人喜愛雞飯，點了慢浸五香無骨海南雞配青蔥雞油飯晚市套餐 $94，份量十足，雞肉非常嫩滑，醬汁配上雞肉也惹味，飯亦有淡淡油香，黑蒜姬松茸燉湯鮮甜，唔錯噃。
5月12日推出的新口味紅蝦油櫻花大蝦湯麵 $90，湯底選用「坐鎮海皇湯」，店子自家製，用數十斤鮮蝦、龍蝦、大蜆、鮮魚等海鮮熬製而成， 店員送上時已聞到濃郁蝦味，可能增添蝦油的關係，比坊間馳名蝦湯拉麵湯底更要香濃，飲晒都唔覺味精。而配料除大蝦還有櫻花蝦及大蔥等，味道有層次，幼麵亦掛湯。
最後嚟嘅寶綠芫茜香雞湯麵 $86，見到芫茜山非常開心，新鮮清新，而雞湯底亦打咗些芫茜，所以湯都有芫茜的香濃清甜，芫茜山下有多件厚身嫩滑雞肉，早利亞又成碗飲晒。
店子多款菜式都是心機菜，熬製多個湯底用料足，有下次，我要試拿手菜黃金雞湯喔～
土瓜灣北帝街19號
也可以follow 我的 Instagram
沒有留言:
發佈留言