朋友相約午餐於米芝蓮一星浙江軒，以江浙滬菜式為主，先嚟幾個前菜熱身，燻蛋流心半熟蛋，蛋味香濃，煙燻味十足。紹興花雕醉雞，肉滑有淡淡酒香。脆皮素鵝香脆，長江燻魚則有別一般做法，魚塊較為厚身，外皮脆而肉質嫩滑，醬汁濃郁而且不過甜。
幾位朋友都係女士，主菜都選擇比較清淡，雪菜毛豆炒茭白筍絲，韭黃鱔糊跟銀絲卷，榨菜肉末跟叉子燒餅，上海炒年糕，各道菜都有水準，味道恰到好處。
再嚟灌湯小籠包，店員送上枱時，朋友傾緊偈都停下來，趁熱享受皮薄餡靚嘅小籠包，小心燙口，不要立即整隻放入口，先咬開頂部，喜歡的可以放少許鎮江醋，跟住入口就剛剛好了。跟住仲有素蒸餃及香菇素菜包，已經無位再叫飯麵了，不過甜品例外，傳統北方甜點高力豆沙熱呼呼，口感軟綿綿，甜度剛好。環境舒適，眾人傾到兩點多才捨得離開。
浙江軒
灣仔駱克道300至306號僑阜商業大廈2至3樓
沒有留言:
發佈留言