早利亞的美食感覺: 佐敦精品粤菜館

2024年7月30日星期二

佐敦精品粤菜館

十幾日飯聚揀咗佐敦食晚飯，凱日提供晚飯套餐 $3,388，有多款菜式選擇，8款前菜選擇4款，鎮江水晶肴肉、老上海油炆筍、黑醋青瓜白木耳及川味乾坤皮蛋，乾坤皮蛋用上溏心皮蛋及黃金皮蛋，加上粉紅色子薑絲，賣相精緻，打卡一流。

主菜選了招牌脆趣有米蝦兵蟹將，上菜時大家嘩嘩聲，好大盤，入口味道亦不錯。湯品選了宮廷濃雞湯煲仔翅，每鍋獨立上菜，湯甜翅亦唔少。兩款魚選了原條古法蒸珍珠龍躉，蒸得剛剛好，廚師功夫了得。拔絲咕嚕黑豚肉做到掛汁皮依然脆，一口咬落去還有肉汁，肉質亦爽。鮮茄粒粒泡菜苗好大盤，味道清新，食咗咁多肉清下胃口幾好。正宗海南文昌雞，皮薄沒有多餘油脂，肉滑，熟度緊緊好。主食選了桂花炒新鮮米粉炒得好鬆不油膩。最後甜品有2款，桂花椰汁糕及香芋西米露，早利亞比較鍾意後者。

整體菜式賣相靚，份量大，味道恰到好處，店子座位寬倘，店員服務友善殷勤，食得舒服，有下次。