早利亞的美食感覺: 茶軒

2024年4月26日星期五

茶軒

周末早利亞要到會展行展覽會，先到附近搵食，我哋一行3人嚟到台式餐廳茶軒，叫咗3個lunch set，台灣五香牛肉麵$78，牛肉軟腍入味，台鐵排骨滷肉飯$78，排骨其實係薄豬扒，唔算脆味道還可以，糖醋雞球滷肉飯$82，呢道菜味道酸甜平衡，雞肉軟滑唔錯噃，每一份都有一 set 包括台式前菜及甜品，今日甜品係包裝嘅熱情果啫喱。餐飲方面除台灣冷泡茶系列外，還可以加 $5 轉清爽四季茶系列或加$12轉招牌黑糖系列，全部冷熱同價。而我哋就叫咗冷及熱黑糖珍珠奶茶，另再叫一杯芋香珍珠，好味又唔太甜。

整體食物唔錯，環境舒適，感覺悠閒，店員友善，就算繁忙時間都沒有趕急嘅感覺，值得再來。