早利亞的美食感覺: 散聚有時新巴黎決定11月休業

2023年10月24日星期二

散聚有時新巴黎決定11月休業

散聚有時，位於銅鑼灣金柏利廣場嘅「新巴黎越南餐廳」係fb 專頁宣布決定11月結業，開業至今廿五年，係銅鑼灣好多打工仔嘅飯堂，今次專登嚟食多次～

火車頭湯粉$64，價錢比一般划算，簡簡單單，湯頭唔錯，越式扎肉炒飯$66 炒得唔錯，材料都算多，越式海鮮炒檬粉$66 炒得爽口，有蝦及魷魚粒，比炒飯稍為油膩少少，跟餐飲品就選擇咗凍及熱柑桔檸檬，相信都是沖劑，無乜特別。銅鑼灣以呢個價錢算抵食，這類傳統舊式小店買少見少，屬於食得舒服嘅越南餐館，但早利亞覺得未至於要專登坐車嚟食。