想同屋企人食懷舊鐵片灌湯餃，今個星期就去一段時間無去嘅禮頓道鳳城，特色點心出品仲有上湯炸粉果、西米布甸等。先嚟叉燒腸粉，鳳城特色就係一條粗身腸粉，賣相都得意，切開份量都差不多，不過相比叉燒比較少，粉漿沒多米香。粉果新鮮炸起，外皮脆身，保持水準。山竹牛肉同雞扎都足料，味道恰到好處。古法灌湯餃傳統賣相吸引，急不及待放落碗，料比較杰身，可惜唔夠熱，或許係咁嘅關係，材料湯汁未及溶化，就算味道可以，感覺就無咁好食啦。最後西米焗布甸，一人份量感覺比較細，味道是可以的，部分有蓮蓉的地方就比較甜。整體還不錯，價錢就比較貴，早茶或下午茶有特價就比較划算。
-ink.jpeg)
沒有留言:
發佈留言