見到魚檔有潮州馬頭，今晚不如做魚飯，買多樽普寧豆醬先。
魚飯其實係無飯㗎，潮州人以魚當飯食因此得名。
記住要保留魚鱗，只係清理好內臟同魚腮就可以，返屋企徹底洗乾淨魚肚內血污，用廚房紙／毛巾印乾魚內外，粗鹽抹在魚身醃起碼15分鐘以上，處理好就唔會有腥味。
做魚飯有2種做法，有人隔水蒸，有人熱水浸熟，如果舖頭大量做多用熱水浸，加埋多種魚嘅精華令魚飯會更好味，今次我用家庭式簡單些嘅蒸熟，大火放入魚蒸8分鐘後，取出放涼起碼2小時以上。進食時先揭開整塊魚皮，內裏的魚肉嫩滑多汁，蘸普寧豆醬更滋味。
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
沒有留言:
發佈留言