年前係深水埗店食過主打的肉骨茶，感覺藥材味道幾香，貼近馬來西亞肉骨茶風味，雖不夠當地濃味，但無味精痕跡，今次專程帶爸媽來品嚐地道馬來食品。先來一字骨肉骨茶 $108，一份4支骨，份量十足。店員隨即每人斟一碗肉骨茶湯，並表示可以再添加，還放下調味碟仔，隨口味放頭抽、黑醬油及蒜蓉，嗜辣的朋友還可加辣椒仔，拌勻後來配肉吃更惹味。
檳城福建蝦麵 $58，湯底蝦味鮮美，配油麵加上鮮蝦魚片等，足料。湯咖哩米通粉 $55 加了酸柑汁，香辣味外有點點清新酸味，加了層次，米通粉中空，可以吸更多汁，不錯喔。馬拉沙嗲串燒 (6串) $85，雞肉、牛肉、豬肉任選，沙嗲醬香而冶味。
「辣死你嗎」$58 係馬拉語椰漿飯的諧音，青綠的椰漿飯因為烹調時加了斑蘭汁，選配咖喱雞肉，還有多款配料，乾魚仔、脆花生、蝦片等，最重要加上參巴醬才夠風味。
點了熱馬來西亞拉茶 $18，地道拉茶，奶茶加了煉奶，記得叫少甜，咁就香而不過甜，師傅來回拉多下，上枱時還見泡沫，奶茶入口順滑。再點份椰香咖央多士$26 作甜品，新鮮烘起，咖央加鮮油，鬆脆又香甜。
店子環境很有當地茶檔特色，店員殷勤友善，而且不設加一，性價比唔錯。
沒有留言:
發佈留言