早利亞的美食感覺

2014年6月1日星期日

妃子笑荔枝當造，天氣又熱辣辣，不如整個荔枝奶凍做甜品。

材料十分簡單：

罐頭荔枝230g 但我今次用新鮮荔枝，切粒備用

罐頭荔枝糖水 300ml 如用新鮮荔枝，糖份要自己加多點

冰糖30g

奶200ml

水150ml

魚膠粉16g

先用部分水開魚膠粉至全溶解，另外煲熱水煮溶冰糖，再加入糖水及奶，放入啫喱杯或奶凍樽仔，待涼後放入荔枝粒，入雪櫃雪至定型就可食用。

得閒睇下我的專頁丫 ^^

https://www.facebook.com/juliatsui88?

2014年5月28日星期三

老北方餃子館

上次午飯時間去到上環皇后街熟食中心老北方餃子館，想外賣餃子回家煮，竟遭拒絕，因太忙，見姨姨不停手搓皮，立即包立即煮，做堂食都做唔切，根本無時間招呼我哋d外賣，一直記掛著。今天終於早過午市10點多就到，買了白菜豬肉、豆苗豬肉及羊肉餃子，配合自家製蒜頭醋，一流享受，尤其羊肉餃子，羊味突出，我鍾意！

老北方餃子館

上環皇后街熟食中心CF11

注: 最近上環地鐵站，但比較遠，巴士會方便點，附近停車場有時租車位。

得閒睇下我的專頁丫 ^^

https://www.facebook.com/juliatsui88?

2014年5月27日星期二

101

都有一段時間沒有分享負面經驗，話說昨天要到尖沙咀，一個人揾食，到厚福街發現未試過101肉燥專門店，門口又排隊，當然不會錯過。選擇不多，最有我揀香茅豬扒肉燥飯，加＄3還可配飲品，而我則選了珍珠奶茶。見到肉燥汁還汁、肉還肉，汁還打了獻，已唔開胃，再試豬扒，所謂香茅完全缺乏新鮮香味，簡直係香茅粉再加味精，沒多吃兩口已棄權，再次證明排隊未必係好嘢。

101肉燥飯專門店
尖沙咀厚福街10號地下A舖

注 : 鄰近尖沙咀地鐵站地鐵站，附近有時租車位或咪錶位。

得閒睇下我的專頁丫 ^^

https://www.facebook.com/juliatsui88?

2014年5月22日星期四

Studio City Bar & Cafe

到 MegaBox 辦點事，順道食裝修好有美國特色的 Studio City Bar & Cafe，點了BLT 煙肉芝士牛肉漢堡伴凱撒沙律同炭燒美國安格斯肉眼伴有枝車厘茄。沙律新鮮爽脆,，漢堡肉汁豐富。安格斯生熟程度滿意，有肉汁，炭香味濃濃，服務亦貼心，食得好舒服的午餐。

Studio City Bar & Cafe
九龍灣宏照道38號MegaBox 11樓12號舖

注:九龍灣地鐵站有接駁巴士，MegaBox 亦有時租車位, 可供停泊

得閒睇下我的專頁丫 ^^

https://www.facebook.com/juliatsui88?

2014年5月15日星期四

大圍靚西餐

落雨濕濕，唔想周圍去，近近地去到大圍田心村揾食，榮耀出名薄pizza同靑口意粉，我當然唔會錯過，再追加 fish & chips 同咖哩牛肋飯。薄pizza 夠香口，意粉煮法亦不俗。咖哩椰汁好香，Fish & chips 做得不錯，薯條尤其出色。因就街坊價錢，食材用次一級，暗暗替廚師不值，以此手勢，如配上靚材料，一定好食百倍。但現實歸現實，每碟只是五、六十元的價錢，有此水準已超值呢。

榮耀餐廳
大圍田心村249號地下

注 : 鄰近大圍地鐵站，附近有多個咪表車位，可供停泊。

得閒睇下我的專頁丫 ^^

https://www.facebook.com/juliatsui88?

2014年5月12日星期一

再來大蕃薯係專程食德國咸豬手，果然其貌不揚，乾乾的，切開方知肉汁豐富，鹹味適中，味道一流，個皮脆過燒豬皮，又香又脆。再來南瓜蘋果醬黑豚扒配意粉，意粉係老闆親手做，煙靭有口感。地獄燒雞香草味濃郁帶點辣，蠻不錯啊。

又是太飽食唔到甜品，只叫了杯蕃薯奶茶，基本上係一杯蕃薯奶昔，蕃薯甜，茶味香，味道可以，但唔可以用飲奶茶心態去品嚐。

大蕃薯
粉嶺聯和墟聯昌街7號

注:鄰近粉嶺火車站，區內亦有多個咪表車位, 可供停泊

得閒睇下我的專頁丫 ^^

https://www.facebook.com/juliatsui88?

2014年5月7日星期三

灣仔告士打道好有趣，Pacific coffee 隔離就係 Starbucks，睇清楚原來重有選擇，還有caffè HABITŪ 。吸引我入去係佢嘅 luxury all day breakfast。呢個 all day breakfast 除了有傳統英式腸、炒滑蛋、煙肉、茄汁豆外，還有牛油炒什菌，而多士則配有自家製果醬，玫瑰味非常突出。另試了牛脷法包，牛脷腍滑，比起 London Selfridges 出名的牛脷三文治，一點也不遜色。食完呢個早餐，精神奕奕工作去。

caffè HABITŪ
灣仔告士打道77-79號華比富通大廈地下2Ba號舖

注: 鄰近灣仔地鐵站，附近亦有時租停車場。

得閒睇下我的專頁丫 ^^

https://www.facebook.com/juliatsui88?

2014年4月28日星期一

九龍城樂園

到九龍城食早餐，有邊度好過樂園，叫碗雪菜肉絲米加檸水，另外再要番茄炒蛋麵加茶走。姐姐還細心的問要加沙爹牛肉湯底嗎？服務真體貼呢！

雪菜肉絲係樂園自家製的，雪菜經處理後有鮮味無鹹味，加適量肉絲，實在坊間難尋。本來平平無奇的番茄炒蛋麵，加了自家製沙爹牛湯底立刻生色不少。雖然茶膽普普通通，或者可以選擇紅豆奶茶，大大粒紅豆會帶來驚喜。食物質素的確是高一籌，值得讚的係坊間少見肯即煮的鹹麥皮呢度都有提供，鄰檯的豬扒亦炸得香噴噴的，還有沙爹牛肉西多，選擇真不少呢。