早利亞的美食感覺

2013年8月30日星期五

IKI

今日到新城市覓食，見呢間日式鐵板燒有位，門面亦可以，試試吧！

點了一個海鮮套餐包括白身魚、海老及魷魚，另一份西冷牛扒及一份安格斯牛柳。見相及各師傅本好有期望，主菜到的一刻，有點呆住。份量少不在話下，每一碟的配菜都係炒椰菜。喂，每個餐都成百五元，比少少誠意可以嗎？

客觀的分析，除油膩一點外，味道可以，肉其實係靚的，尤以牛柳肉質烹調最佳。如果其他配套可以好一點，我就不會覺得呢餐食了一個椰菜落肚。

IKI Teppanyaki Bento
沙田沙田正街18號新城市廣場L1層105舖

注: 鄰近沙田地鐵站，沙田新城市提供時租停車場。

得閒睇下我的專頁丫 ^^

https://www.facebook.com/juliatsui88?

2013年8月27日星期二

元朗陸記

到元朗三聯行街街，係阜財街找食，發現竟然有炸大腸，就入去食埋佢啲飯。叫了紅燒排骨飯、鹹菜肉末飯同炸大腸。排骨味道可以，夠腍，有好多軟骨啱我。估不到鹹菜肉末咁好送飯，好惹味。最後炸大腸到，香脆又有大腸獨特味道，配上芥辣一流。

陸記正宗桂林米粉

元朗又新街27-29號建威大廈2號地舖

注: 鄰近大棠道輕鐵站，附近有時租停車場。

得閒睇下我的專頁丫 ^^

https://www.facebook.com/juliatsui88?

2013年8月23日星期五

我的 shepherd's pie

我的 shepherd's pie。先煮薯仔，去皮壓成薯蓉，加牛油牛奶備用。炒洋蔥、紅蘿蔔、粟米、牛肉碎，加 shepherd's pie 醬料，收收汁，放落焗盤，鋪上薯蓉，入焗爐約20分鐘就可以。

得閒睇下我的專頁丫 ^^

https://www.facebook.com/juliatsui88?

2013年8月21日星期三

皇后餐廳

每次到皇后餐廳都好放心，每次都好滿意。羅宋湯，一飲就知落足材料，周打魚湯亦濃濃的，就這兩個餐湯已沒欺場。公司三文治，配上酸菜，比配薯條高貴得多。法國蝸牛磨菇，啖啖肉，蘑菇吸盡精華。安格斯嫩滑，充滿牛肉味，配上好傳統的黑椒醬。縱使可能係口味問題，我不太喜歡菠菜魚塊的芝士醬汁，我對皇后餐廳還是充滿信心的。

皇后飯店 Queen's Cafe
九龍塘達之路80號又一城L1層18號舖

注: 鄰近九龍塘地鐵站，又一城提供時租停車場。

得閒睇下我的專頁丫 ^^

https://www.facebook.com/juliatsui88?

2013年8月8日星期四

AGE Cuisine Express

好友飯聚，一早預定了羊膝、aged牛扒同白酒青口。坐定定後再點了帶子墨魚汁麵，三文魚意粉及Hawaiian pizza。白酒青口好香酒味，帶子墨魚汁麵亦充滿鮮味，pizza薄且脆，呢度將所有材料砌碎，食落又另有滋味。三文魚意粉則比較普通啦。反而預定的羊膝雷聲大雨點小，比較失望，味道普通，沒有羊味，份量又少，二百幾蚊，不值吧。好在dry aged牛扒非常正，肉嫩味濃，啖啖牛肉香，讚。

AGE Cuisine Express
鰂魚涌英皇道1065號東達中心 1104 B

注: 鄰近太古地鐵站，附近有時租停車場。

得閒睇下我的專頁丫 ^^

https://www.facebook.com/juliatsui88?

2013年8月5日星期一

新漢記

今天到粉嶺新漢記食客家菜，當然唔少得梅菜扣肉，再來紅燒茄子豆腐，而店員提議泰式烏頭，就試試吧。梅菜扣肉不負眾望，好食過上次係惠州食的。紅燒茄子豆腐亦唔錯，反而我無想過的泰式烏頭，不知所謂，煎烏頭浪費條魚，魚又不夠肥，味道又不討好，再見隔離條蒜頭豆豉蒸烏頭，下次一定要自己決定，話晒我入來都係想食傳統客家菜嘛。

新漢記飯店

粉嶺聯和墟聯和道5號

注: 附近有時租停車場或咪錶位。

得閒睇下我的專頁丫 ^^

https://www.facebook.com/juliatsui88?

2013年7月30日星期二

簡易家庭版荷葉飯

荷葉預先洗乾淨，蒸幾分鐘至軟身，備用。

先將蝦米冬菇洋蔥炒香，加雞肉炒至半熟，可再加些蔬菜如粟米、紅蘿蔔或青豆。飯炒至乾身，加入所有配料同調味。

將所有飯同配料放入荷葉，蒸半個鐘以上，蒸起好香荷葉味架^^

得閒睇下我的專頁丫 ^^

https://www.facebook.com/juliatsui88?

2013年7月29日星期一

八號餐廳

街坊餐廳，但餐牌內啲菜式名字都好精緻，試試吧。

白酒帶子意大利扁麵，普普通通，沒有酒香。海鮮炒飯，有法國的味道。串燒牛柳飯，牛柳烤得嫩滑。可惜當覺得街坊餐廳有如此水準算唔錯的時候，另叫的椰汁奶凍到，竟然見一個用espresso 杯裝的奶凍，以六七十元一個套餐來說，加十二元真的非常貴，重要無椰子味，下次咪亂試啦。

八號餐廳

大埔安慈路2號8號花園地下1-2號舖

注: 鄰近銅鑼灣地鐵站，附近有時租停車場。

得閒睇下我的專頁丫 ^^

https://www.facebook.com/juliatsui88?

2013年7月26日星期五

喜運星

同父親大人慶祝生日，今次特意到南華會喜運星，聽聞北京烤鴨有水準，就試試吧！可惜係失望的，鴨沒有味道，鴨鬆還炒燶了。還訂了合時令的冬瓜盅，清清的帶夜香花的香味，不錯。龍蝦伊麵亦到來，龍蝦蠻鮮甜的，只係個人不喜歡伊麵加芡汁，糊糊的感覺不太好。最後來的荷葉飯反而是個驚喜，一開充滿荷香，飯炒得靚，亦沒有味精反應，難得。