2024年7月22日星期一

泰豊廔酒家

十幾位朋友飯聚，朋友選擇了歷史悠久，始於1961嘅京菜館泰豊廔酒家，店子環境懷舊，走上一樓感覺返回80年代酒家食飯。又想食北京填鴨又想食羊肉、砂鍋雲吞等，就要個$3680 套餐吧。

四喜大拼盆包括肴肉、燻蹄、牛腱、青瓜，味道恰到好處兼爽口，份量足。鐵板羊肉熱辣辣，上抬先放上鐵板香氣四溢亦係打卡位，好有氣氛。芙蓉三鮮似賽螃蟹，蛋白外還有蝦肉、瑤柱絲及草菇。砂鍋雲吞雞湯甜但早利亞感覺有些少味精喔。北京填鴨即場片鴨皮，皮香脆，但早利亞更想讚塊餅皮，不是現代薄薄沒有質感的，而係有厚度及有烤麵粉香的舊式餅皮，配埋京蔥及醬汁一流。宮爆明蝦酸甜平衡，蝦亦爽口。蒜子燒桂花魚很大條桂魚，醬汁偏甜，蒜子反而搶了魚的風頭。金腿扒津白，雲腿鹹香帶起味道。榨菜肉末配叉子燒餅，燒餅一樣做得鬆脆，配切得幼細而味道鹹鮮的肉末很夾。最後甜品兩道京式甜品高力／麗豆沙及生日壽桃，豆沙唔算甜，高麗豆沙要趁熱食，肚子已放不下壽桃了。

套餐供10－12位用，但我哋一行14人，只加了一道（中）鹽爆牛羊（牛肚羊肉片）都非常夠食，成班人分享可以一次過滿足食多道傳統京菜，仲包12支汽水，大班朋友食飯的好選擇。





























發佈者： 於 沒有留言:
標籤：

2024年7月19日星期五

Breadtalk 麵包新語

來自星加坡嘅 BreadTalk 於2005年進駐香港，以「精品麵包店」的旗號，提供部分香港傳統麵包外，還有多款有特色麵包如經典皇牌肉鬆包及日式芝士蛋糕等，每天店內即場烘焙優質手製麵包，最近更有人氣扁脆牛角酥系列。




















Breadtalk 麵包新語
佐敦彌敦道233-239號佐敦薈地下B號舖


發佈者： 於 沒有留言:
標籤：

2024年7月16日星期二

利景酒樓

約朋友係灣仔飲茶，第一下就諗到前大榮華個位嘅利景酒家，呢度點心價錢合理，款式都算多選擇，落單後都等了十多分鐘，明顯即叫即蒸。

先嚟蝦餃皮薄通透，蝦肉爽口，牛肉、腐皮卷及棉花雞都係傳統做法又好味。見午餐有燒味飯，其中選擇係燒鵝雙拼，今次拼豉油雞吧。又等多十幾分鐘，賣相幾靚，份量十足，抵食，整體係唔錯嘅街坊酒樓。

















發佈者： 於 沒有留言:
標籤：

2024年7月11日星期四

屋企煮飯仔之銀稔醬

 6、7月除子薑當造外，還有一樣食材要碰運氣先買到的，就是銀稔，又名仁棯，果核有5個孔，很像人面上的五官，所以也有人稱之為人面。早利亞每次見到都會買些來做銀稔醬，酸酸味道特別醒胃，蒸魚蒸排骨也可。


做法：
～銀稔先用淡鹽水浸洗乾淨
～用刀背拍扁切碎，有人會去核，但早利亞習慣保留
～子薑去皮切粒備用
～起鑊，不用加油，先放銀稔炒至乾身，微微轉色
～加入子薑粒炒香
～加麵豉醬炒均勻，加少許水份稍煮出味
～加入適量片糖
～煮至杰身即可
～放涼入樽，放雪櫃可保存多月


份量約銀稔 3斤，子薑2斤，麵豉醬2斤，片糖 1條半
喜歡酸味可以放多些銀稔，喜歡甜些可以多放些糖

同場加映：銀稔醬蒸排骨

發佈者： 於 沒有留言:
標籤：
訂閱： 文章 (Atom)