早利亞的美食感覺

2013年6月4日星期二

豬潤麵

提起豬潤麵，大家一定想起維記，今日係新蒲崗隨便走入一間茶餐廳，見除了平日的火腿蛋早餐外，竟有鮮豬潤麵，正好我不想食餐肉火腿。等咗十數分鐘，以茶餐廳來說算好耐喇，睇住師傅即煮，放到面前的豬潤剛熟，又爽又滑，麵亦係即煮的，有咬口，原來很多小店都好有心的。

得閒睇下我的專頁丫 ^^

https://www.facebook.com/juliatsui88?

2013年5月31日星期五

週末好去處 Munch Now+ 香港鐵路博物館

大埔一向比較少有質素的中價西餐廳，所以開了大半年的Munch Now，每到週末，晚晚滿座，遠遠也可見到人排隊等位。今天特意早點來，六點時段不用等位之餘，餐廳亦可做多轉生意，這是我支持小店的方法。

今次來到要了個鵝肝西冷， Tandoori chicken pizza，燒春雞，帶子松露天使麵及馳名德國豬手。鵝肝入口即溶西冷味濃，春雞嫩，pizza 香配 Tandorri chicken 味道特別，天使麵入口亦帶驚喜，應該加了非常香的松露油，反而豬手雖然皮脆肉嫩，但那非常傳統的煙燻味我個人麻麻，喜歡吃煙燻嘢的應該好鍾意。總括來說，好有心機及有技巧的餐廳，我喜歡。

附近還要香港鐵路博物館，位於大埔墟市中心，步行也可到達，又可懷舊又可影靚相，不需要入場費，食完靚嘢行下，不失為一個週末好去處。

Munch Now
大埔寶鄉街35-39號寶康大廈地下G&H號舖

注 : 鄰近大埔地鐵站，附近有多個咪表車位，可供停泊。

得閒睇下我的專頁丫 ^^

https://www.facebook.com/juliatsui88?

2013年5月27日星期一

福建薄餅

今天我終於做了我的福建薄餅，哈哈，好開心！

話說每年我大姨都會在新年期間做福建薄餅，等一家人回到家一起包來食，好溫暖！我亦好希望可以學會，但尋找那些薄餅皮實在不容易。當我在灣仔見到一間有歷史的麵店有售賣那些薄餅皮，實在開心不已，急急買了回家。再到街市買椰菜、芽菜、豆干、蘿蔔及豬肉。將材料切絲，炒香，在薄餅上加甜醬，包好，食得。

得閒睇下我的專頁丫 ^^

https://www.facebook.com/juliatsui88?

2013年5月24日星期五

Das Gute Bakery & Cafe

Das Gute Bakery麵包一流，Cafe還是第一次試。

白汁磨菇石斑味濃，白汁三文魚意粉不過不失，漢堡有肉汁還算有牛肉味。本來覺得這餐廳還過得去，怎料最後加錢的特濃朱古力出事，好怪的化學香味，好似飲香精咁，好無奈的放棄了。

Das Gute Bakery & Cafe
紅磡德安街7號黃埔新天地第2期時尚坊G6A舖

注 : 鄰近紅磡鐵路站，附近有多個商場停車場，可供停泊。

得閒睇下我的專頁丫 ^^

https://www.facebook.com/juliatsui88?

2013年5月20日星期一

華園餃子館

今次到華園餃子店，貪新鮮，嘗試了芥味鮑片拌貢耳及香滑甜酒豆乳撈丁。

老板娘用醬料份量恰到好處，撈丁用上台灣真情豆腐乳，台幣190 元一樽，豆腐乳濃酒香，䈡花剛好平衡豆腐乳的膩，而雲耳的芥末剛好刺激鼻子就嘗到麻油香，佩服。

華園餃子館
何文田勝利道14號舖

注 : 鄰近旺角東地鐵站，附近有多個咪表車位，可供停泊。

得閒睇下我的專頁丫 ^^

https://www.facebook.com/juliatsui88?

2013年5月15日星期三

大圍隱世拉麵，小妹已聽聞多時，今天到來，必試的係竹炭胡麻黑蒜油拉麵，還追加了味付半熟蛋，及選了些小食。

坐下等食時，見到每枱都有清水供應，內裡加入竹炭，還有芝麻及蒜蓉，相當有誠意。

小食到來，其中以香葱碎拖羅脆餅最出色，拖羅鮮甜餅脆，正！海老餃子也很香脆，味付半熟蛋我會比十分。

炭胡麻黑蒜油拉麵到來，好香的黑蒜油，食落去真的好似鹹的芝麻糊，個人非常之喜歡，食到一半，加少許鮮蒜蓉，味道層次更豐富，幾乎飲晒佢d湯。另再叫了醬油豚骨沾麵，食法係夾一箸麵放落湯遊一遊，沾滿濃香湯汁，偶然夾到香蔥或豚肉，更加甘香。店員還提議食完麵後可加雞湯，便可飲埋d湯，但我真係接受唔到，太鹹了，飲了幾口放棄了。這裡係我近排覺得最有特色的拉麵店，雖然款式不多，但每樣都有自己性格，我喜歡。

博多拉麵龍亭 Hakata Ramen Ryutei

大圍大圍村第九街10A地下

注 : 鄰近大圍地鐵站，附近有多個咪表車位，可供停泊。

得閒睇下我的專頁丫 ^^

https://www.facebook.com/juliatsui88?

2013年5月13日星期一

簡易版海南雞飯

薑荵水浸雞, 煲滾d薑荵水後放雞, 再滾後息火或小火, 4-5個字後睇下隻雞熟唔熟,唔熟就再開大火, 滾後息火或小火, 等多10分鍾後再check。

薑蒜蓉炒香下生米, 炒香後加浸雞水(或雞湯)同斑蘭葉同煮, 可放電飯煲煮, 你咪唔洗睇火囉!

薑蓉同荵粒加鹽落滾油就成點雞薑葱蓉醬。

熱新聞

http://yes-news.com/13852/%E3%80%90%E8%87%AA%E5%AE%B6%E8%A3%BD%E3%80%91%E7%B0%A1%E6%98%93%E7%89%88%E6%B5%B7%E5%8D%97%E9%9B%9E%E9%A3%AF

得閒睇下我的專頁丫 ^^

https://www.facebook.com/juliatsui88?

2013年5月11日星期六

agnès b. Café

到機場接機，遇到飛機延誤，只好坐下飲杯荼，打發下時間。發現在terminal 1有間 agnès b. Café，　竟然有Quiche 法式鹹批，要了一件再加杯熱朱古力。店員好體貼的加熱了件批，還加了沙律菜。久違了的Quiche，皮充滿牛油香，餡料亦有豐富蛋味，朱古力亦非常濃香，這個意外的下午茶不錯呀。

注 : 鄰近機場地鐵站，機場提供時租車位。

得閒睇下我的專頁丫 ^^

https://www.facebook.com/juliatsui88?

2013年5月8日星期三

喜喜冰室的雞批浮台

近年開了多間以懷舊茶室為主題的茶餐廳，喜喜冰室係我比較鍾意的，食物有特色，店員有誠意。今次來到要了雞批浮台加香蕉合桃班戟配茶走，茶靚，雞批香，放落青豆湯都依然鬆化，店員非常體貼，等我享用完青豆湯才上班戟，班戟還熱騰騰的。香蕉合桃味道都配合得好，個人覺得比較甜，但可以接受，加厚身班戟一起吃係美味的，只是這餐的熱量一定不少呢！

喜喜冰室
銅鑼灣新會道2號地下

注: 鄰近銅鑼灣地鐵站，新寧道有時租停車場。

得閒睇下我的專頁丫 ^^

https://www.facebook.com/juliatsui88?

2013年5月2日星期四

譚點

到譚點食點心，一定要叫青芥脆蝦一口漢堡仔，造型精緻，蝦脆青芥濃度恰到好處，無得彈。另外玩中西合璧的黑松露野菌餃及黑魚子花菇燒賣當然都不可錯過，個人認為黑松露同黑魚子味道比較淡。碧綠帶子腸好滑，味道清清的，可試到淡淡的帶子香。炸點蒜蓉海鮮春卷同炸雲吞都非常鬆脆，酸甜醬汁亦做得好。最後來個老子馬孻糕，甜度適中，相當鬆軟。

以十幾廿蚊一款點心來說，實在超值，招呼週到，唯一係管理層應該檢討運作流程，絕對有進步空間。