一個人中午時分嚟到中環搵食，今次就到翡翠中心二樓由台灣人主理的鐵牛食台灣牛肉麵。入座後用 QRcode 點餐，招牌紅燒牛肉麵連飲品 $78，等食期間周圍望，環境明亮裝飾帶台灣元素，睇睇枱面提供醬油及2款辣醬，幾吸引喎。
半筋半肉牛肉麵用咗金錢牛𦟌，大塊切條，口感滿滿，粗身手工麵條爽口彈牙，配上台灣豆瓣醬的紅燒湯底，牛骨湯頭濃郁有牛肉香，食得好滋味。餐廳還提供多種台式小食和火鍋選擇，其中台灣庶民小火鍋有五款口味 : 鐵牛臭臭鍋、原味石頭小火鍋、香濃蕃茄爆蔥鍋、台灣本味麻辣鴨血鍋及雙重芝士牛奶鍋，多人一齊食可以試多幾樣。
餐飲想飲熱嘢就點香水檸檬紅茶，早利亞就走糖走茶變檸檬水，檸檬係香不過不是早利亞杯茶，見附近朋友加錢轉特飲如珍珠奶茶等不同選擇。
鐵牛台灣牛肉麵
中環蘇豪威靈頓街98號翡翠中心2樓A及B號舖
中環蘇豪威靈頓街98號翡翠中心2樓A及B號舖
沒有留言:
發佈留言