早利亞的美食感覺: 鹹月餅

2025年9月9日星期二

鹹月餅

以往想食鹹味月餅只會諗起中國江南地區流行蘇式鮮肉月餅，酥皮包裹著豬肉肉餡，另外有些會加上海雲腿，鹹鹹鮮鮮，吃前入焗爐烘熱非常滋味。今次行旺角一田，見到有家烘焙店推出特色鹹月餅，包括香辣牛肉鬆蓉月餅、香辣豬肉鬆蓉月餅、咖哩牛腩月餅、黑椒牛扒月餅，而甜味就有合桃芝麻糊味月餅及陳皮紅豆月餅等，非常有中式甜品味道。店子好大方，幾款都有得試食，入口又幾鹹香，唔錯噃～

Circle Bakery 以手作烘焙產品聞名，麻糬波波、曲奇、芝麻條、朱古力脆片、蝴蝶酥及特色鹹甜蛋糕，見有位OL在選擇獨立包裝的一口菠蘿波、芝麻條、曲奇等，$69/100g，可以一次過試幾款或作小禮物都可。