相約朋友聚會，一於食葡國餐，見到呢個4人傳統套餐 $1380 好抵，道道都想食，6人就多叫 2道主菜吧。先嚟葡國特色4人拼盤，最想食馬介休魚餅，葡式香腸同炸蝦都好食喎。里斯本沙律顏色豐富，口感同味道都一樣豐富，有果仁、無花果、新鮮蔬菜、火腿芝士等。海鹽烤沙甸魚係經典菜式，加點檸檬汁更提鮮。
砵酒炆牛尾係店子招牌菜，一般牛尾會用紅酒，而砵酒就令這菜式酒香更多層次，牛尾亦煮得腍滑，剛好離骨。1／4 葡式燒乳豬配肥仔炒飯，店子已切成6件好體貼，皮脆連薄薄脂肪，滿口油香，配上肥仔炒飯好滿足。嚟埋個馬介休炒椰菜，鹹鹹香香，令椰菜味道無咁寡。
最後葡式甜品拼盤比到個驚喜，上菜時雪糕杯內的乾冰製造氣氛，當然手機食先。4款分別係 Tiramisu、木糠布甸、傳統雪芳橙蛋糕及自家製雪糕，款款味道都恰如其分，諗起都好回味。
葡匯咪走雞葡國餐廳
尖沙咀彌敦道118-130號美麗華廣場二期1樓167號舖
註: 鄰近尖沙咀站／尖東站，美麗華廣場提供時租停車場
註: 鄰近尖沙咀站／尖東站，美麗華廣場提供時租停車場
沒有留言:
發佈留言