2023年4月25日星期二

燒肉LIKE

今日嚟到中午多數都有條龍嘅燒肉 LIKE，第一時間走過去撳飛排隊，還好流量都快，行一陣返嚟就有位。店內沒有油煙感覺，除煙技術做得完善，另外座位設有獨立櫃桶放食具，亦有提供籃放私人物品，安排貼心。入座後掃描 QR code 點餐，跟住等，好彩有位醒目店員留意到早利亞，了解後先知未完成結帳，完成後數分鐘已經有店員送上套餐 Like 套餐 250g $135，包括有牛五花、牛舌及横膈膜肉。多款醬汁原味BBQ、蒜香、鹽味、辣味噌醬、韓式辣醬、胡麻醬、海鹽及黑胡椒，應該梗有一款啱你啦，早利亞呢就最鍾意牛五花蘸海鹽，重味的横膈膜跟蒜香汁最夾，牛舌就只係檸檬汁已經好鮮味爽口。套餐可以跟沙律或泡菜，想清爽所以揀沙律，燒得滿滿油香的牛五花包住沙律菜好滋味，爽口嘅牛舌包住飯食都好正，最後先食重味的横膈膜肉，比牛五花厚身香濃有嚼勁，跟一啖白飯好享受。























燒肉LIKE
沙田新城市廣場一期四樓408號舖



發佈者： 於 沒有留言:
標籤：

2023年4月20日星期四

鳳城鐵片灌湯餃

想同屋企人食懷舊鐵片灌湯餃，今個星期就去一段時間無去嘅禮頓道鳳城，特色點心出品仲有上湯炸粉果、西米布甸等。先嚟叉燒腸粉，鳳城特色就係一條粗身腸粉，賣相都得意，切開份量都差不多，不過相比叉燒比較少，粉漿沒多米香。粉果新鮮炸起，外皮脆身，保持水準。山竹牛肉同雞扎都足料，味道恰到好處。古法灌湯餃傳統賣相吸引，急不及待放落碗，料比較杰身，可惜唔夠熱，或許係咁嘅關係，材料湯汁未及溶化，就算味道可以，感覺就無咁好食啦。最後西米焗布甸，一人份量感覺比較細，味道是可以的，部分有蓮蓉的地方就比較甜。整體還不錯，價錢就比較貴，早茶或下午茶有特價就比較划算。
















鳳城酒家
銅鑼灣禮頓道30號

發佈者： 於 沒有留言:
標籤：

2023年4月17日星期一

5月結業的坤記糕品

到深水埗地鐵出口經過老字號坤記糕品，諗起早前已經預告會喺今年5月結業，老闆表示仔女唔願接手，年紀大，係時候要退下了。

店子入選《米芝蓮指南》推介街頭小食，用順德家鄉的製糕方式，以石磨研磨新舊米做米漿，經過就再嚟重溫呢份堅持。中式糕點若要做足功夫，程序繁瑣，店子每日供應白糖糕、紅豆糕、芝麻糕、鬆糕及鹹茶粿等，最出名就係芝麻糕，層層分明，芝麻味係香濃，而早利亞最鐘意嘅多豆黃糖缽仔糕，入口唔甜反而顯出紅豆香，雖然網上comment 好壞參半，不過今次經驗唔錯，價錢倒是比一般糕品店貴，缽仔糕 $9，芝麻糕就以重量計算，這件$15。








坤記糕品
深水埗福華街115-117號北河商場地下10號舖


發佈者： 於 沒有留言:
標籤：

2023年4月14日星期五

阿純手工山東餃子

好耐無嚟食餃子，一入門已見員工密密手擀皮包餃子，心中已在盤算今次食咩餡料好呢。原本見到可以掃QR code 落order，但手機upload 好慢，都係請店員幫手落單，先來京蔥羊肉餃、薺菜豬肉餃及洋蔥牛肉餡餅，一住等一住調教自己喜歡的鮮蒜蓉醋，期間又見到menu 嘅山東手撕雞有例牌，就多點一味。餃子即叫即淥，皮厚薄剛好，餡料香滑有肉汁，保持水準。反而山東雞就顯得平凡了，以往的香滑肉嫩跌咗watt，有點失望。最後嚟嘅洋蔥牛肉餡餅有驚喜，新鮮做起，等咗一陣都非常熱，皮煎得香脆，餡料非常多肉汁，下次試羊肉餡先。

















阿純山東餃子 
太子荔枝角道60號地舖


發佈者： 於 沒有留言:
標籤：

2023年4月9日星期日

Jackson’s scone pop－up store

人氣手作鬆餅網店「Jackson’s scone」係 SOGO 地庫開咗個限定 pop-up store，即日起至4月25日，除咗有店子 signature 味道包括原味、紅棗、芝士煙肉、咖啡可可、桂花烏龍、斑蘭椰絲、龍眼之外，還有不定期推出限定味道，包括今日見到嘅 Lotus焦糖脆餅、朱古力Brownie 及 泰式奶茶麻薯等，有興趣朋友可以留意店子 IG 不時發放消息。

鬆餅沒有防腐劑，買返屋企要放雪櫃，店子提議食前入焗爐以 175度焗 5－6 分鐘，可令鬆餅回復狀態，外脆內心軟綿，質感濕潤。芝士煙肉有粒粒煙肉，鹹鹹香香兼有牛油香，桂花烏龍茶味香濃，而紅棗味道則慢慢走出嚟，微甜唔搶味，幾得意。











Jackson’s scone pop－up store
銅鑼灣軒尼詩道555號崇光百貨B2樓
即日至25/4/2023




請讚好我的專頁 可以收到更多新資訊
https://www.facebook.com/juliatsui88

也可以follow 我的 Instagram
https://www.instagram.com/julia.tsui/

#早利亞廚房

#早利亞的美食感覺









發佈者： 於 沒有留言:
標籤：
訂閱： 文章 (Atom)