早利亞的美食感覺: 拉麵Jo

2022年11月17日星期四

拉麵Jo

連續7年獲得香港米芝連推介，經常要排隊，今日早一點去食。

友人叫咗碗醬油豚骨拉麵，招牌濃厚豚骨湯底，味道好正宗，沒有似依家坊間的濃稠，口感清爽但味道濃郁，反而覺得似日本街頭拉麵風味，片片五花肉，入口即溶，麵質有點勁度，鍾意食腍d 要提前講聲啦。而早利亞就叫咗期間限定雞白湯拉麵，奶白色的特製雞白湯又濃又甜，低溫豚肉叉燒之外，還有低溫日本雞肉叉燒，非常嫩滑，加上大量香蔥提味，跟前者完全另一個風格。

午市套餐小食可以四揀一，炸雞穩穩陣陣，雞皮餃子就幾得意，有油香，唔怕食雞皮嘅朋友仔可以試試。望落唔多，加埋碗拉麵份量都幾飽肚，好滿足，期待下次再嚟。