相約十多個老友去新斗記，當然要金牌即燒乳豬，係門口已見師傅即燒乳豬，非常有功架，新鮮非常，確實好脆口，可惜唔多有豬味。再嚟多款招牌菜，粟米斑塊，新鮮蘇眉塊撲粉炸至酥脆，魚味鮮，配少許粟米汁更可口。豉椒炒蟶子皇大大隻，亦鮮味。鹵水乳鴿 ，生炒上肉排都不錯。啫啫生菜煲抵讚，真係燒紅個砂鍋，係你面前將生生菜放落去炒，坊間太多係先將菜烚熟才放砂煲上菜，那是另一會事。最後蛋白薑米蒜香蟹飯到，飯香停唔到口，泥鯭粥亦甜得緊要，可是個人覺得有味精，食後感覺有點保留。
新斗記
佐敦長樂街18號18號廣場地下及1樓
注 : 鄰近佐敦地鐵站地鐵站，附近有時租車位或咪錶位。
得閒睇下我的專頁丫 ^^
沒有留言:
發佈留言