蘭芳園

到中環辦點事，順道到蘭芳園歎下絲襪奶茶，再叫埋蔥油雞扒撈丁，豬扒飽及西多士，醫醫五藏廟先。永遠都咁多人，排隊到出馬路都有一點危險，好在食品很快送上，翻枱速度甚快。不到十分鐘，食物一様一様的送上。撈丁加上蔥油的確好香，鷄扒煎得皮脆肉嫩，豬扒飽不是硬豬，但烘過的餐包加秘製豬扒，超好食。西多士跟奶茶係大牌檔水準，非常滿足。

曾經到尖沙咀蘭芳園分店，相比之下，正店好食好多。題外話，繁忙時間，店內除了返工一族外，還有很多遊客，大多操普通話，店員非常有耐性地解釋，又提議食品配搭，比起某些高級餐廳還有人情味呢！

我由排隊到食完，前後都不到25分鐘，由於客人源源不絕咁嚟，每樣嘢都係即做，都做唔切㖭，唔新鮮都唔得啦！

蘭芳園 

中環結志街2號

注: 鄰近中環地鐵站，中環中心及萬宜大廈提供時租車位。

得閒睇下我的專頁丫 ^^

https://www.facebook.com/juliatsui88?