約咗老人家飲茶，搵間坐得舒服寬敞，這家潮州菜館係一個幾好選擇，叫咗多款地道菜，滷水獅頭鵝片，滷水入味，家鄉煎蠔仔烙，啖啖蠔仔有蛋香，唔好忘記蝦蟹酥，坊間潮州舖頭多只做蝦棗，或許蟹棗做得出色都要花點功夫，這道潮州炸蝦蟹酥爽口不油膩，好食。老人家想食點心，春卷、韭菜粿、潮州粉果賣相飽滿餡料好豐富雖然皮厚了一點，糯米卷香又軟糯，再嚟韭菜豬紅及方魚肉碎粥，沙嗲肉片炒河夠惹味。甜品點了清心丸福果豆爽，甜度都恰到好處好滿足。
2023年12月1日星期五
露面手工拌麵
喺灣仔睇完展覽，想食少少嘢，於是行入去灣仔搵麵店。今次嚟到食手工麵，叫咗主打嘅嫩雞白布湯闊麵 $70，等咗一陣，明顯即煮，嚟到熱辣辣好大碗，感覺像嫩雞煨麵，奶油白布湯入口清甜，biang biang 麵來自陝西，店子做的係改良版，比較薄身及幼身，麵質順滑有嚼勁，亦好掛汁，雞肉嫩滑，成碗好多餸，好足料。問過店員，原來店子係餃掂姊妹店，自設廠房做麵，提供3款手工麵，每天新鮮製作。唔好忽略，辣椒醬亦好香。店子還有 $88 一人麵餐或飯餐，下午茶價錢更抵，時間啱可以試試。
露面手工拌麵
灣仔莊士敦道55-61號修頓大廈地下A號舖
灣仔莊士敦道55-61號修頓大廈地下A號舖
2023年11月22日星期三
農米莊食米線
本來早利亞諗住食burger，點知店子未開，咁就逛逛下嚟到呢間米線店，標榜 「一碗可以連湯都飲晒嘅米線」，用上數十隻雞熬煮十多小時，不添任何味精，滋補健康，咁就要試試啦。
養顏椰子雞湯，以新鮮椰子熬製，第一時間飲一啖湯，奶白色的湯底入口清甜，還灑上椰絲增添口感，多件雞肉嫩滑肥美，仲配上冬菇、枝竹、雲耳、生菜等，非常豐富。
價格比一般米線稍為高，但湯頭咁好嘅高質米線，早利亞真係飲晒d湯，肯定值得再嚟。
農米莊
旺角豉油街68號地舖
2023年11月18日星期六
六國酒店九十周年
於1933年落成的六國飯店，為當時灣仔區最高建築物，屹立灣仔90載，在大堂可以看到當年酒店的相片及拍攝《蘇絲黃的世界》的資料，是香港首間設有中菜廳的酒店，提供頂級中菜及大型婚宴場地。而近年為人期待的應該是期間限定「黯然銷魂飯」吧，其實「粵軒」除叉燒做得出色外，還有多道馳名菜式，蛇羹做得細緻，炸釀蟹蓋非常足料，還有手工菜金錢雞、穿蓮八寶鴨、脆皮炸子雞等。日前就在此舉行「六國酒店開業九十周年午宴」，六國酒店中菜行政總廚馬榮德師傅精心設計懷舊菜式及點心，精緻又美味，更安排「點心妹」送上蝦餃燒賣，充滿昔日情懷。
四時美景（豬膶燒賣、娥姐粉果、雞絲春卷、蜂巢芋角）
鳳凰爭鳴（野雞卷、百花雞、金錢雞）
馬師傅特意把三道其實沒有雞的懷舊菜放一起
華宙金羅（油泡螺片雞片伴燒雲腿）
炸釀鮮蟹蓋
鮮蝦銀針粉
鴛鴦美點（富貴牡丹酥、芝麻卷）
六國酒店就九十周年特別推出住宿優惠及一系列中西懷舊菜譜，跟大家一起重溫美好的舊時光。
2023年11月17日星期五
放學食下午茶好去處
今日嚟食 2022年米芝蓮街頭小食，最出名係招牌白魚蛋 $12/7粒，但早利亞就想試鬼馬豬柳條墨魚條雙拼 $13/8條，即叫即炸，會用蔬菜脫水器去油，灑上椒鹽增添味道，幾香口，做小食或送酒一流。
魚蛋佬
土瓜灣天光道50號地舖
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
訂閱：
文章 (Atom)