假日好去處：《細塑今昔 · 智建未來》微型藝術展即日起至7月16日係中環街市展出，去參觀完可以順道食個 lunch，早利亞上次到來中環食坊食咗2 間，一家西餐，一家星馬風味。
中環街市重開後分3層，地下多家食店，以中價多國菜為主，中庭有座位及有戶外座，用自助形式點餐及取餐。1樓則有比較精緻的 cafe 及西餐廳，而2樓則只提供立食。
Pulau 蒲羅：地道新加坡美食，吸引早利亞就係檳城蝦麵 $78，蝦湯入口有鮮甜蝦味，配菜多，摻摻麵條有米粉+油麵兩溝，飲湯都唔覺味精，沒有口渴感覺，唔錯喔。
Citta：意大利熱那亞菜式，主打招牌意大利麵及炭燒烤肉，第一道點係是日精選牛扒配是日餐湯$128，要餐飲則加$10，須要到中間麥子位置自取。等了十來分鐘，牛扒明顯即燒，有炭香味，牛扒生熟程度滿意，嫩滑但牛肉味道稍淡。反而羅宋湯非常足料，味道亦恰到好處。
另點了慢煮牛頰肉醬扁意粉 $98，意粉 al dente，爽口彈牙，牛頰肉粒腍滑入味，加埋芝士撈意粉相當夠味，以food court 格局好似價格偏貴，但無論使用的碗碟、擺盤及食物質素還算有心，中環區算合理吧。
食完就梗係行下啦～待續
中環街市 Dining Ground
中環皇后大道中93號及德輔道中80號
#早利亞廚房
#早利亞的美食感覺
