最愛 Lamb Kebabs

今天來到尖沙咀搵野食，見到Ebeneezer，平日我最愛係灣仔分店食佢的 Fish & Chips，好，就入去啦。原來呢間係餐廳，同灣仔快餐型式的分店唔同，係度食要比加一的。唔緊要，好食就可以啦。叫了 Greek Salad，Fish & Chips 同 Lamb Kebabs。Greek Salad 新鮮無比，Fish & Chips 則比灣仔店遜色，最正還是 Lamb Kebabs，羊肉味香濃，配菜新鮮，醬汁濃而不嗆。

Ebeneezer's Kebabs & Pizzeria
尖沙咀寶勒巷3號萬事昌廣場地下

注 : 鄰近尖沙咀及尖東地鐵站，附近商廈有多個時租停車場。

我的第一個斑蘭蛋糕

朋友送我新鮮斑蘭葉，平日望穿秋水才等到有朋友送我星加坡的斑蘭蛋糕，不如今次試下自己做。上網搜尋食譜，感激筆者提醒須要座熱斑蘭汁才出香味。

出爐啦，這就是跟大少奶做的斑蘭蛋糕，香軟幼滑。

得閒睇下我的專頁丫 ^^

https://www.facebook.com/juliatsui88?

蘋果批

華輝餐廳像一般茶餐廳，包羅萬有，水準穩定，最愛牛脷會意。但華輝最出名的係大批，無論雞批或蘋果批，批皮脆，充滿牛油香，餡料豐富，每每經過都禁不住要買件。大家週末去新界玩，不妨來食個下午茶。

華輝餐廳

大埔鄉事會坊17號地舖

注: 鄰近大埔墟站 ，區內有多個咪表車位 ，可供停泊。

好時沙嗲

好一陣子沒有到尖東，今天來到就去好時沙嗲。必叫海南雞飯及沙嗲，炒貴刁加咖哩雞飯，落單時話咖哩雞唔包飯，要另外叫白飯，已經好奇怪。海南雞飯還算保持水準，咖哩雞只有兩件雞，其他都係未煮透的薯仔，炒貴刁超油，沙嗲都是'梅'肉。正疑惑為何水準下降得那麼利害，望望週圍，全是強國人，可能食客都沒太大要求，價錢亦不敢提高，所以將貨就價。奈何，在我的心中又少一間好食肆了。

好時沙嗲
尖沙咀麼地道63號好時中心144-148號舖

注 : 鄰近尖沙咀及尖東地鐵站，附近商廈有多個時租停車場。

炒栗子

又到寒冷的冬天，什麼比手拿著一包暖暖的炒栗子更好。近年多次買這些栗子都是預早烚過的，吃上去沒有香味，肉質粉粉的，沒有質感。今天在大埔買的就唔同啦，明顯生炒的，見有鹽焗鵪春蛋，要了$10 8隻，鹹鹹香香的，好有味道。希望下次可以再見到這車仔檔啦。

希慎拉麵

又到希慎，今次食拉麵，選擇了元八拉麵，除拉麵外還要了餃子炒飯套餐。位於 food court 內，我不會有太大期望，雖然價錢都頗貴。拉麵不過不失，餃子還算可以，奇怪的係平平無奇的炒飯竟然好美味喎。

元八拉麵

銅鑼灣軒尼詩道500號希慎廣場11樓Kitchen 11

注: 鄰近銅鑼灣港鐵站

香港腸粉皇

腸粉癮起 ，想起先前有人介紹即拉腸粉，立刻出發。呢度d腸粉好特別，除了鮮蝦腸粉, 蜜汁叉燒腸粉外, 還有梅菜豬肉腸粉，薑汁豬潤腸粉，潮州腸粉。潮州腸粉其實係潮州粉果餡料包括花生,沙角粒,蝦米等。腸粉即叫即做，皮薄餡靚，讚。

另叫了蘿蔔糕，有得選擇我一定要蒸的。內裡充滿一條條粗條的蘿蔔絲，蝦米荵花相當配合。

最後到髮菜蠔豉豬骨粥，雖然非常足料，但和和暖的...粥唔熱係死罪喔。

香港腸粉皇

土瓜灣譚公道98號兆豐閣地下1號舖

注: 區內有多個咪表車位 ，可供停泊。

懷舊粵菜喜萬年

喜萬年，一間好有歷史的酒樓，乳豬非常出名，今次就同家人來嘗一嘗懷舊粵菜吧！預早訂了乳豬，魚腸焗蛋及蓮蓉西米焗布甸。當天再叫了青班，腐皮卷，腰果蘭度等。乳豬的確名乎其實，皮脆肉香，但跟住上的菜色就奇怪地細碟，尷尷尬尬的食了大半個鐘，奇怪，怎麼魚腸焗蛋及青班還未有蹤影，向部店詢問後發現青班還未蒸，魚腸焗蛋則立刻到，炒飯都食完了，結果青班十多分鐘後才到，而我們為有空口食魚，感覺不好。

還好，蓮蓉西米焗布甸的確有水準，算是挽回多少分數。

喜萬年酒樓

灣仔軒尼詩道1號熙信樓1樓

注: 鄰近灣仔地鐵站，喜萬年提供代客泊車，對面匯漢大廈亦有時租車位。

近期非常滿意的一餐

到 MegaBox X'mas shopping，沒有太大期望的找餐廳醫肚。做冬食中餐，聖誕食西餐，今日食日本餐吧! 入座表明食定食，點了3份包括壽司定食，西京銀鱈魚及網燒牛扒餐。侍應姐姐問我地是否 share 食物呢，對，還以為只是放餐具時比多隻碟，估不到餐廳很貼心，將定食分拆送上。先來沙律菜，同麵豉湯，再來壽司，好新鮮的材料喔，鮮甜美味，溫度亦剛好，吃得舒服。等我地享用完畢後才上前菜茶碗蛋及餃子，好明顯係剛煎好，熱辣辣，肉汁豐富，茶碗蛋滑溜鮮甜，接著主菜西京銀鱈魚及網燒牛扒到，最後綠茶及芝麻雪糕畫上完美的句號。

離開時見到鐵板燒台座無虛席，下次一定試下鐵板燒。

和光鐵板燒日本料理

九龍灣宏照道38號企業廣場5期MegaBox G 21

注：可在九龍灣地鐵站坐接駁巴士到 Mega box，Mega box提供時租車位。

週末好去處 西貢 fish n chips

間中也會掛念英式食品。今天到西貢就是為了 fish n chips，today's special 有 caesar salad，order 一客醒醒神先，羅馬生菜新鮮，醬汁恰到好處，加點煙肉粒，味道層次豐富了。

點了大 fish n chip，有3件魚，炸槳薄而香，可惜魚味欠逢，粗身薯條則非常好，脆口不油。還有英式腸，強烈香料味道，而漢堡則是自家製，簡單美味，加上室外海邊享受，暫時忘卻工作的煩憂，呢餐午餐都幾嘆。

Camden Town
西貢西貢海傍街49號

注: 區內有多個咪表車位 ，可供停泊