早利亞的美食感覺: 外賣Kebab

2025年4月17日星期四

外賣Kebab

友人想食 Kebab，九龍區即刻諗到土瓜灣金獅外賣，主打 Halal 清真食品，先嚟羊柳卡巴 $82 及烤牛肉卡巴 $72，再加個大pizza Sher-I-Punjab 烤羊柳薄餅 $170及羊柳中東炒飯 $88 ，等候時間見到 Hummus 鷹嘴豆泥配薄餅 $45 就順便試埋呢個特色前菜。

因為即叫即做，早利亞都等咗十幾廿分鐘，立刻回家嘆。先嚟前菜Hummus，鷹嘴豆泥落重香料，喜歡的會很過癮。羊柳卡巴餡料新鮮豐富，羊肉味香濃，醬汁惹味，烤牛肉卡巴其實都好食，可是牛肉味道未見突出，偏愛羊肉的早利亞覺得這給比下去了。烤羊柳薄餅因加了烤羊柳味道與坊間意式pizza 明顯有別，多款醬汁可隨意加入增加味道層次，對這地道風格大家都投票鍾意喔。最後羊柳中東炒飯，長米加香料炒得粒粒分明，內藏羊柳大大件，比較重口味，早利亞淺嚐但友人好愛。