2026年3月27日星期五

港式傳統麵包店百事吉餅店

經過灣仔想買傳統包點一定諗起百事吉，港式麵包、曲奇、唐餅如皮蛋酥、馬仔、花生炒米餅、香蕉糕等。今日見到好耐無見嘅占美名物菠蘿占，唔好誤會，同菠蘿包無關㗎，呢度叫脆皮果占包，即刻買個返屋企入爐烘熱數分鐘，外皮少少脆，裡面嘅杏桃果醬apricot jam 份量剛好唔太甜，好味。順道買了紅莓鬆餅，入口沒有英式鬆餅的口感，感覺似港式十字包口感多d，有牛油香，送茶或咖啡都合適，最後再來一件皮蛋酥，比傳統含一整隻皮蛋的細件，輕鬆可以食晒整件都唔膩。店子蝴蝶酥及曲奇也很聞名，過年油角及豆沙角更要大排長龍先買到喔～




























百事吉餅店 
灣仔灣仔道67號地舖

發佈者： 於 沒有留言:
標籤： ,

2026年3月19日星期四

法式 crêpe

早前到石門順便去集中多家小店嘅京瑞2期搵嘢食，本來想食越南法包但可惜店子已結業，行行下見到外賣餅店就醒起聽過隱世可麗餅，望望menu 有甜有鹹，早利亞就選擇了鹹味嘅燒雞沙律可麗餅。即叫即做，大家要預等十數分鐘，等候期間見到店子仲有其他產品如提子乾英式鬆餅、抹茶沾醬麻薯、花生煉奶沾醬麻薯等都幾吸引。正在研究時聽到店員叫號，可麗餅新鮮熱辣到手，內容好充實，多件燒雞加多多沙律菜，口感豐富，醬汁味道又fresh，會再來啊～












Nanaland crêpe
發佈者： 於 沒有留言:
標籤： ,

2026年3月12日星期四

想要炸魚定焗雞？

 一連兩次嚟將軍澳食炸魚，店子主打 Fish & Chips 及焗雞，午餐set lunch 好抵食，前菜試過凱撒沙律、炸磨菇及炸蟹肉球，沙律菜新鮮，兩款炸物即叫即炸，脆口乾爽，好食。

到達時已見店中的燒雞烤爐掛了多隻雞，雞隻在爐中慢慢的轉令火力平均，溫度控制得啱啱好，店員端上烤雞時已聞到濃郁的雞油香，切雞時感覺到肉質非常嫩滑而且肉汁豐富，配菜薯蓉亦不馬虎，唔錯。

輪到英式炸魚薯條，炸魚粉漿厚薄適中，薯條亦係英式粗薯條，當然要加點鹽及醋先夠滋味，唔同魚類或會附加費用，前後食過5款

鱸魚（Seabass）+$30 
鱈魚（CodFish）+$45
盲鰽 (Barramundi) +$20 
石頭魚 (Monk) +$20
大比目魚 (Halibut) +$45

盲鰽及鱸魚都是本地新鮮的，入口更有魚味，鱈魚就比較厚身啖啖肉。好想試花尾大龍躉，可惜當天沒有供應，又要留下次～




























Fish & Chick
將軍澳澳南海岸唐俊街23號MONTEREY Place地下G23B號舖


發佈者： 於 沒有留言:
標籤： ,
訂閱： 留言 (Atom)